माधव र प्रचण्ड पक्षका नेताहरुले  बुझाए प्रधामन्त्रीलाई ज्ञापन पत्र

न्यूज ब्यूरो, जनकपुरधाम । प्रधानमन्त्री केपि शर्मा ओलिले संविधान बिपरित कार्य गर्दै संसद विघटन गरेको प्रती तिब्र असन्तुष्टि जनाउँदै रौतहटका प्रचण्ड–नेपाल पक्षले प्रधानमन्त्री केपी ओलीलाई विरोधपत्र बुझाएका छन्।

शुक्रबार देशको विभिन्न जिल्लाको जिल्ला प्रशासन कार्यालय मार्फत प्रधानमन्त्रीलाई ज्ञापन पत्र बुझाएको हो । सोही क्रममा धनुषाका प्रमुख जिल्ला अधिकारी मार्फत प्रधानमन्त्रीलाई ज्ञापन पत्र बुझाएको हो ।

असन्तुष्ट समुहले प्रमुख जिल्ला अधिकारी मार्फत प्रधानमन्त्रीलाई विरोधपत्र पठाइएको नेकपा प्रदेश कमिटि सदस्य एवम् शहिदनगर नगरपालिकाका मेयर उदय कुमार बरबरिया (यादव)ले जानकारी दिएका छन् ।

बिरोध पत्रमा गत पुस ५ गते संसद विघटनको घोषणा गरेर प्रतिगमन लाद्न खोजेकोमा उक्त कदम सच्याएर संसद पुनर्स्थापित गर्न प्रधानमन्त्री ओलीसँग माग गरिएको छ ।

बिरोध पत्र मार्फत नेताहरुले संसद विघटन गर्ने प्रधानमन्त्रीको अधिकार नभएकाले संविधानको धारा एकपटक पढ्न ओलीलाई सुझाब समेत दिएका छन् सबिधानले प्रतिनिधिसभा बिघटन गर्ने कुनै अधिकार नहुँदा पनि असबैधानिक कदम चाल्दै गरिएको सांसद बिघटनको कदम प्रति पश्चाताप गर्दै राष्ट्रका सामु क्षमा यचना गर्न र प्रतिनिधिसभा सुचारु गरी सबिधानलाई क्रियाशिल बनाउन आग्रह गरे ।

सोही क्रममा प्रदेश नं. २ को रौतहटमा पनि विरोध पत्र बुझाइएको छ । सिडिओ ईन्द्रदेव यादव मार्फत प्रधानमन्त्रीलाई विरोधपत्र बुझाएको हो । विरोधपत्र बुझाउने टोलीमा पूर्व मन्त्री सत्यनारायण भगत, पुर्व सभासद अशोक जयसवाल, नेकपाका रौतहट जिल्ला अध्यक्ष कमल ,नेता शम्भु साह , शम्भु सिंह लगायतको सहभागिता रहेको थियो ।