देश बनाउने भिजन जसपासँग मात्र छ : यादव

न्यूज ब्यूरो, काठमान्डौं । जनता समाजवादी पार्टी नेपालका नेता राजकिशोर यादवले देशमा उत्पन्न पछिल्लो राजनीतिक घटनाक्रमप्रति चिन्ता व्यक्त गरेका छन् ।

काठमान्डौंमा शनिबार आयोजित पार्टीको एक कार्यक्रममा नेता यादवले देश कोरोना संकटबाट जुझिरहेको अवस्थामा सरकार जनताको ज्यान रक्षाको लागि लाग्नुपर्नेमा स्वार्थको झगडामा लाग्नु दुःखद भएको बताएका हुन् ।

नेकपा र कांग्रेस जस्ता पार्टीका नेताहरुमा देशको माया नरहेको र उनीहरुसँग भीजन नै नभएकोले जनता अब गम्भीर हुनुपर्ने समय आएको उनले बताए । देशलाई बर्बादी तिर पुर्याउने उनीहरु नै भएको उनको आरोप छ ।

जनता अब पनि गम्भीर र सचेत नबने देशप्रति बेइमानी हुने उनले बताए । जसपासँग नै देश बनाउने भीजन र सोंच भएकाले उनले आफ्नो पार्टीलाई साथ दिन आह्वान पनि गरे ।