आफू विरुद्ध भ्रामक समाचार फैलाइए : मन्त्री साह

न्यूज ब्यूरो, जनकपुरधाम । नव नियुक्त शहरी विकास मन्त्री प्रभु साहको गाडीले ठक्कर दिएपछि एक जना घाईते भएका छन् ।

शनिबार रौतहटबाट महोत्तरी जाने क्रममा सर्लाहीको हरिवन चौकमा मन्त्री साहले चढेको गाड़ीबाट एक सर्वसाधारणलाई चोट लागेको मन्त्री साहले स्वीकारे छन् । यद्यपी, उनले ती व्यक्तिलाई झुकिएर लड़ेको मात्र बताएका छन् ।

मन्त्री साहले चोट लागेका व्यक्तिलाई केही पनि नभएको अस्पतालले भनेपछि मात्र त्यहाँबाट कार्यको शिलशिलामा हिँडेको बताएका छन् । व्यक्तिलाई केही पनि नभएकोले ढुक्क भएर हिडेको सामान्य बिषयलाई “ठक्कर दिएर भागे” जस्ता शिर्षको समाचारप्रति आपत्ति जनाएका छन् ।

“मेरो बदनाम गर्ने उद्देश्यले केही अनलाइन मिडियाले अतिरंजित ढंगले प्रचार गर्नु र सर्लाही प्रहरीलाई मेरो यात्राबारे सम्पूर्ण जानकारी हुँदाहुँदै पनि नेपाल प्रहरीले मन्त्री प्रभु साहको गाडी ूखुलेकोू भन्ने भ्रमपूर्ण वक्तव्य दिन गैरजिम्मेवार रूपमा प्रस्तुत भएको दुःखद विषयप्रति मेरो गम्भीर ध्यानाकर्षण भएको छ । सुरक्षा दिनु र सवारी सहजीकरण गर्नुको सट्टा सर्लाही प्रहरीले अफवाह फैलाउने काम गर्नु आपत्तिजनक छ ।”– उनले आफ्नो अधिकारिक फेसबुक पेजमा लेखेका छन् ।

यता, सर्लाहीका एसपीले समेत मन्त्री साहको गाडी प्रकरणमा घाईते भएका व्यक्तिको अवस्था एकदम समान्य रहेको प्रतिक्रिया दिएका छन् । न्यूज ब्यूरोसँगको संक्षिप्त प्रतिक्रियामा सर्लाही प्रहरीले चोट लागेको व्यक्तिको अवस्थामा समान्य बताएका छन् ।

समाजिक सँजालमा अपलोड गरिएको सिसिटीभि फुटेजमा भने मन्त्री साहको गाडीले एक पैदलयात्रीलाई ठक्कर दिएको देखिएको छ । त्यसपछि मन्त्री साह गाडी नरोकिकनै भागेको देखिएको छ ।

#Prabhu_Sah #Thakkar #Sarlahi #mahottary #Minister_prabhu_sah