स्वास्थ्य चौकीको आन्दोलन बेतुका : वडाध्यक्ष मण्डल

न्यूज ब्यूरो, जनकपुरधाम । धनुषाको मिथिला बिहारी नगरपालिकामा स्वास्थ्य चौकी अवैधानिक तरिकाले लगिएको आरोप बेतुका रहेको वडा नं १ का अध्यक्ष प्रमोद मण्डलले बताएका छन् ।

नेपाल सरकारद्वारा देशको विभिन्न पालिकामा १५ सैयाको अस्पताल शिलान्यास कार्यक्रम एकै दिन गरिएको कार्यक्रममा मिथिला विहारी नगरपालिकामा पनि २ नं वडामा गरिएको छ ।

नगरपालिकामा आएको योजना अन्तर्गत मिथिलेश्वर नाम उल्लेख गरि आएको वडा नं ३ मा अस्पताल स्थापना गर्न जग्गा १५ कठ्ठा उपलब्ध गराई दिन स्थानीय वासी लगायत वडा अध्यक्ष समेत लाई जानकारी गराएको वावजुद पनि कुनै किसिम चासो नदेख्दा जग्गा उपलब्ध नहुने अवस्थामा अस्पताल सारिएको बताइएको छ ।

उनले बाध्यतावंश वडा नं २ को माबि पर्शुराम तलाउ नजिकको जग्गा उपलब्ध गरि शिलान्यास गरिएको बताए । वास्तवमा विकास बिरोधीहरु कुनै किसिमको बिकास नहोस् सोच राखेर यी आन्दोलन गर्न लागेको वडा अध्यक्ष मण्डलले बताए ।

केही दिन अगाडि पर्शुराममा करिब ८ करोडको बजेट आउदा यी बिकास बिरोधीहरुको कारण रकम फ्रीज भएको बताएका छ्न । “आन्दोलन गर्न आउन सबै संग आग्रह गर्न चाहन्छु मतलेशरा र पुरन्दाहा कुनै दुरि नरहेको त्यसै कुनै ठाउमा अस्पताल बन्दा नगरवासीमा फाइदा हुनेछ” वडा अध्यक्षले थपे ।

यता वडा नं ३ का वासिन्दाहरु अस्पताल बिना कार्यपालिका निर्णय बिना यो अस्पताल मतलेशरमा स्थापना हुन पर्ने भन्दै माग राखी विभिन्न किसिमका आन्दोलन गर्दै आएका छ्न ।