समाज परिवर्तनसँगै धर्म सँस्कृति बरकरार राख्नुपर्छ : मेयर मण्डल

न्यूज ब्यूरो, जनकपुरधाम । धनुषाको हँसपुर नगरपालिकाका मेयर रामज्ञान मण्डलले समाज परिवर्तनसँगै आफ्नो धर्म सँस्कृतिलाई बरकरार राख्नु चुनौतिपूर्ण रहेको बताएका छन् ।

मानव जातीमा सबै धर्म जोगाउन मानवको मुल दायित्व रहेको बताउँदै उनले युग र समाज परिवर्तनसँगै धर्म सँस्कृतिमाथि गरिरहेको प्रहारबीच आफ्नो सँस्कृतिको लागि अग्रसर हुनु नै दायित्व रहेको बताए ।

हंसपुरनगरपालिका वडा नम्बर ३ बेल्ही चौकमा महावीर झण्डा मेला उद्घाटन गर्दै मेयरले भगवान रामको मुलपात्र रहेको हनुमान त्यस अनुरुप भगवान हनुमानको नाम झण्डा बनाई हरेक समुदायमा आत्मबल वृद्धिको कामना गरे ।

कार्यक्रमको अध्यक्षता मेला अध्यक्ष राम आशिष पंडित प्रमुख अतिथि नगरप्रमुख रामज्ञान् मण्डल रहेका थिए ।

कार्यक्रममा व्यापार संघको अध्यक्ष इन्द्रमोहन साह, बिशिस्ट अतिथि वडा नं ३ अध्यक्ष मेला संयोजक उदय सिहं ४ का अध्यक्ष किशोरी यादव महात्मा राम रतन दास, युवा नेता सुजित कापर ,अवधेश कापड लगायत स्थानीय भद्रभलादमीको उपस्थिति रहेका थिए ।

मेलामा रामहिलोरा अन्य नृत्य कार्यक्रमको व्यवस्था गरिएको छ ।