रेशम चौधरीकै लागि एउटा लडाई लडनैपर्छ : नेता साह

न्यूज ब्यूरो, जनकपुरधाम । जनता समाजवादी पार्टीका केन्द्रीय सदस्य एवम् नेता सँजय कुमार साहले रेशम चौधरीसँग नश्लिय विभेद गरिएको भन्दै एउटा लडाई अझै लडनुपर्ने बताएका छन् ।

उनले रेशम चौधरी र लक्षमण थारुलाई जन्मकैद गरिएकोप्रति आक्रोसित हुँदै दुवै जनासँग नश्चिल चरित्रको आधारमा व्यवहार गरेको बताएका छन् । उनले अब रेशम चौधरीको लागि पनि एउटा लडाईको आवश्यकता रहेको बताएका छन् ।

न्यूज ब्यूरोसँगको संक्षिप्त कुराकानीमा उनले भने, “रेशम–लक्ष्मण थारुलाइ जन्मकैद गर्नेहरु भन– हिंसासंग बिल्कुल नजोडिएको राजनीतिक शक्ति र व्यक्तित्व हो यो। न्याय मरेको देश,थारु मधेसी शीत पुर्बाग्राही,बिभेद,अपमान र सोसन गर्ने प्रबृत्ति मानसिकता बोकेको सासकहरुले हामि जनतालाई कहिले पनि न्याय दिन सक्दैन ।”

उनले रेशमको लागि र लक्ष्मणको लागि आरपारको लडाईको आवश्यकता रहेको बताए । उनले आफ्नै देशमा दोस्रो दर्जाको नागरिक झैं मूल्याँकन गरी व्यवहार गरेको विरुद्धमा आवाज बुलँद गर्नुपर्ने आवश्यकता रहेको औल्याए ।

“हद भो, समयले यसको मूल्य अवश्य चुक्ता गर्ने छ । एउटा समुदायलाई दबाएर राज्य गर्नु भनेको अपराध हो यो अहिलेको युगमा यो एक किसिमले भन्ने हो भने नस्लवादी हो। एउटा समुदायलाई दबाएर राज्य गर्नु भनेको अपराध हो यो अहिलेको युगमा यो एक किसिमले भन्ने हो भने नस्लवादी हो।”– उनले भने ।