काठमान्डौंमा आन्दोलनरत किसानको समर्थन गर्दै जनकपुरमा प्रदर्शन

न्यूज ब्यूरो, जनकपुरधाम । देशको राजधानी काठमान्डौंमा दोस्रो पटक आन्दोलन गर्न पुगेका किसानहरुको समर्थनमा जनकपुरमा पनि ऐक्यबद्धता जनाउँदै प्रदर्शन गरिएको छ ।

काठमान्डौंमा आन्दोलनरत (Farmer Protest Nepal) उँखु किसानहरु (sugarcane Farmer) को आन्दोलनमा ऐक्यबद्धता जनाउँदै जनता समाजवादी पार्टी समर्थित युवाहरुले जनकपुरको जनकचोकमा साँझसम्म प्रदर्शन गरेको हो ।

गत वर्ष नै आफ्नो उँखु वापतको भुक्तानीको लागि काठमान्डौंंसम्म चढाई गरेका किसानहरुसँग सरकारले मिथ्या सम्झौता मात्र कागजसम्म सिमित राखेको भन्दै पुनः आन्दोलनको लागि सरकार कहाँ पुगेको हो ।

सरकारसँग भएको विभिन्न ५ बुँदै सम्झौता कार्यन्वयन गर्नुपर्ने भन्दै आन्दोलनमा उत्रेका किसानहरुको मागलाई समर्थन गर्दै युवाहरुले हातमा विभिन्न नारा सहितको प्लेकार्ड बोकेर प्रदर्शन गरेको हो ।

जनता समाजवादी पार्टीका प्रशान्त झाको नेतृत्वमा जनकचोकमा मालिकको चिनी नगदमा, किसानको उँखु उधारोमा ?, चिनी मिलका मालिकसँग साँठगाँठ गरी किसान मार्ने सरकार मुर्दाबाद, उँखु किसानको रकम भुक्तानी गर, उँखु किसानको माग पुरा गर, ५ बुँदे सम्झौता लागु गर लगायतका नाराहरु घन्काउँदै प्रदर्शन गरेका हुन् ।