राष्ट्रिय बचाउ अभियानको रयाली बलानदेखि कमलासम्म

न्यूज ब्यूरो, सिरहा । राष्ट्रिय बचाउ अभियान अन्तर्गत जनतान्त्रिक तराई मुक्ति मोर्चाले सिरहाको बलानदेखि धनुषा र सिरहाको सीमा रहेको कमला नदीसम्म रयाली निकालेको छ ।

राष्ट्रिय नागरिक आन्दोलन २०७७ अनुसार शनिबार सिरहाको बलान नदीबाट निकालिएको रयाली कमला नदीसम्म गरिएको थियो । करिब ६० किलोमिटरको रयालीले राष्ट्रिय बचाउको लागि आन्दोलन चर्काउने सन्देश दिएको थियो ।

वर्तमान परिवेशमा सँघीयता आएपनि राजनीतिक दलहरुले जनताको कर र पसिना खाएर ढुकुटी सकाएको भन्दै नागरिक आन्दोलन तीव्र पार्ने बताइएको छ ।

जनतान्त्रिक तराई मुक्ती मोर्चा मिर्चैयाका नगर अध्यक्ष मुना यादवको नेतृत्वमा निकालिएको रयालीमा आम नागरिकहरुले समर्थन जनाएको रयालीमा सहभागी पवन यादवले जानकारी दिए ।