जिल्लाको सबै अवैद्य क्रसर बन्द हुन्छ : सिडिओ यादव

न्यूज ब्यूरो, रौतहट । मापदण्ड पुरा नगरी रौतहटको बिभिन्न पालिकामा संचालित ८ वटा क्रसर उधोग बन्द हुने भएको छ ।

क्रसर उधोगहरुको बिस्तृत अध्ययन तथा अनुगमन समितिको बैठकले मापदण्ड पुरा नगरेका क्रसर उधोग बन्द गर्ने निर्णय गरेको हो ।

समितिका संयोजक ईन्द्रदेब यादबको संयोजकत्वमा बसेको बैठकले प्राबिधिक समितिको प्रतिबेदनको आधारमा बृन्दाबन नगरपालिका वडा न ६ मा रहेका श्रीराम जानकी क्रसर उधोग,वडा न –१का शिबम बालुवा वासिङ्ग उधोग र आश्रय अस्फाल्ट एण्ड क्रसर उधोग फतुवा बिजयपुर नगरपालिका–८, सुमुख क्रसर उधोग, श्रेष्ठ धुकुछु मृत संजिबनी जेभि उधोग,गरुडा नगरपालिका महमदपुरमा रहेको शिव शंकर क्रसर उधोग , चन्द्रपुर नगरपालिका(८का संकटमोचन वासिङ्ग उधोग गुजरा नगरपालिका,नगरपालिका–८, रमण (सगरमाथा जेभि उधोग लाई बन्द गर्ने निर्णय गरिएको हो ।

समितिको बैठकको निर्णअनुसार घरेलु तथा साना उधोग कार्यालय वा सम्बन्धित स्थानीय तहमा उधोग दर्ता दर्ता नभई र अनुमति प्राप्त नगरी संचालन गर्दै आईरहेको क्रसर उधोग लाई तत्काल बन्द गर्ने, घरेलु तथा साना उधोग कार्यालयमा दर्ता भई क्रसर संचालन गर्ने अनुमति प्राप्त गरेको तर आबश्यक मापदण्ड पुरा नगरेका क्रसर उधोग हरु लाई हाल लाई बन्द गरी मापदण्ड पुरयाएपछि मात्र संचालन गर्न अनुमति दिने, र राष्ट्रिय गौरबको आयोजना तथा प्राथमिकता प्राप्त योजनाको हकमा आबश्यक क्रसर उधोगहरु संचालन गर्न अनुमति दिने निर्णय भएको जनाइएको छ ।

जसमध्ये श्रीराम जानकी क्रसर उधोग बृन्दाबन नगरपालिका–६, सुमुख क्रसर उधोग फतुवा बिजयपुर नगरपालिका–८, सधैको लागि बन्द हुने भएको छ । यस्तै शिबशंकर क्रसर उधोग गरुडा नगरपालिका महमदपुर, संकटमोचन वासिङ्ग उधोग बृन्दाबन नगरपालिका–१, शिबम बालुवा वासिङ्ग उधोग बृन्दाबन नगरपालिका–१ लाई भने मापदण्ड पुरा गरेपछि संचालन गर्ने दिने र अस्फाल्ट एण्ड क्रसर उधोग चन्द्रपुर नगरपालिका–८, रमनरसगरमाथा जेभि गुजरा नगरपालिका, र श्रेष्ठ धुकुछु मृत संजिबनी जेभि फतुवा बिजयपुर नगरपालिका लाइ भने आबश्यक कागजात पेश गरी अनुमति लिएपछि मात्रै संचालन गर्न दिने निर्णय भएको बैठकमा सहभागी एक सदस्यले जानकारी दिएका छन ।