अपडेट: बर्दिवासमा निषेधाज्ञा लगाइयो, निषेधाज्ञामै प्रदर्शन !

न्यूज ब्यूरो, बर्दिवास । महोत्तरीको बर्दिवासमा स्थानीय प्रशासनले बिहिबार बिहानसम्मको लागि निषेधाज्ञा लगाएको छ ।

महोत्तरीको प्रमुख जिल्ला अधिकारी कृष्ण बहादुर कटुवालले बर्दिवासको वर्तमान अवस्थालाई मध्यनजर गर्दै बिहिबार बिहानसम्मको लागि निषेधाज्ञा लगाएको जानकारी दिएका छन् ।

मँगलबार भएको प्रदर्शनकारी र प्रहरीबीचको झडपमा परी स्थानीय एक प्रदर्शनकारीको मृत्यू भएपछि प्रदर्शनकारीहरु झन आक्रोसित भएर विहानैदेखि प्रदर्शन गरिरहेका छन् । भीड नियन्त्रण तथा कुनै मानवीय क्षति अझै नहोस भन्दै स्थानीय प्रशासनले निषेधाज्ञा लगाएको हो ।

बर्दिवास नगरपालिका वडा नं. १४ की ६ बर्षिय बालिकालाई बलात्कारपछि हत्या गरी बोरामा कोचेर झाडीमा फालेको भन्दै स्थानीयहरु मँगलबार बिहानैदेखि प्रदर्शन जारी राखेको हो । उनीहरु अहिले निषेधाज्ञाको बीच प्रदर्शन गरिरहेको छ ।

निषेधाज्ञासँगै बुधबार (आज) बर्दिवास बजार पनि बन्द रहेको छ ।