प्रदेश २ मा १ दिन सार्वजनिक छुट्टीको घोषणा

न्यूज ब्यूरो, जनकपुरधाम । प्रदेश नम्बर २ को सरकारले १ दिने सार्वजनिक विदाको घोषणा गरेको छ ।

प्रदेश २ को मुख्यमन्त्री सँचार सचिवालयको जानकारी अनुसार हिन्दुहरुको महान पर्व मानिने छठ पर्वको अवसर पारेर शुक्रबार सार्वजनिक विदाको घोषणा गरिएको हो । शुक्रबार सार्वजनिक विदा तथा शनिबार आम रुपमै सार्वजनिक बिदा हुँदै आएको छ ।

तराई मधेशमा विधिवत रुपमा २ दिन छठ मनाउने गरिन्छ । प्रथम दिन अस्ताउँदो सूर्यलाई अर्घ दिने गरिन्छ भने भोलीपल्ट उदाउँदो सूर्यलाई अर्घ दिने प्रचलन र परम्परा अनुसार २ दिने विदा दिँदै आएको छ ।