जनकपुरबाट तास खेल्ने ८ जना पक्राउ

न्यूज ब्यूरो, जनकपुरधाम । धनुषा प्रहरीले जनकपुरबाट तास खेलिरहेको अवस्थामा ८ जनालाई पक्राउ गरेको छ ।

शुक्रबार करिब ६ बजेको समयमा जनकपुरधाम उपमहानगरपालिका वडा नं. ५ स्थित रहेको राजदेवी मन्दिर पछाडी रहेको डिके होटलबाट उनीहरुलाई पक्राउ गरिएको प्रहरीले जनाएको छ ।

गोप्य सूचनाको आधारमा जिल्ला प्रहरी कार्यालय धनुषाबाट खटि गएको टोलीले तास खेलिरहेकै अवस्थामा १ लाख ६३ हजार ६६० रुपैयाँ सहित ८ जनालाई पक्राउ गरेको हो ।

पक्राउ पर्नेमा जनकपुरधाम उपमहानगरपालिका वडा नं. ४ बस्ने बर्ष ४० को गणेश साह, वडा नं. ५ बस्ने बर्ष ३७ को कैलाश प्रसाद गुप्ता, वडा नं. ४ का ३४ बर्षिय बेचन साह, वडा नं. १ का बर्ष ३५ को सँजीप ठाकुर, वडा नं. ५ कै बर्ष ४३ का होटल सँचालक समेत रहेका दिलीप मण्डल, वडा नं. २ का विनय साह, बद्रि साह र वडा नं. ५ कै शिवु मण्डल रहेको प्रहरीले जनाएको छ ।

उनीहरुलाई नियन्त्रणमा लिई थप अनुसन्धान गरिरहेको जनाईएको छ ।