नेकपाका परिचित नेता सहित कार्यकर्ताहरु जसपामा,अर्थमन्त्री यादवद्धारा स्वागत

न्यूज ब्यूरो, सिरहा । नेपाल कम्यूनिष्ट पार्टी (नेकपा) का चिरपरिचित नेता सहित करिब अढाई सय कार्यकर्ताहरु जनता समाजवादी पार्टीमा प्रवेश गरेका छन् ।

विहिबार सिरहा जिल्लाको धनगढीमाई नगरपालिकामा आयोजित एक कार्यक्रममा नेकपाका नेता अजित पासवान सहित अढाई सय कार्यकर्ता जसपामा पार्टी प्रवेश गरेका हुन् ।

नेता पासवान सहित कार्यकर्ताहरुले नेकपाले आफूहरुलाई ठगेको भन्दै जसपामा प्रवेश गरेको बताएका छन् । उनीहरुलाई प्रदेश नम्बर २ का आर्थिक मामिला तथा योजनामन्त्री समेत रहेका जसपा प्रदेश नम्बर २ का अध्यक्ष विजय कुमार यादवले टिका र माला लगाएर स्वागत गरेका हुन् ।

अन्य कार्यकर्ताहरुलाई पनि अध्यक्ष यादवले माला र टिका लगाउँदै पार्टी प्रवेश गराएका हुन् । यसअघि पनि विभिन्न स्थानमा नेकपा पार्टी परित्याग गरी जसपामा प्रवेश गर्दै आएका छन् ।