सिरहामा विँगर र ई-रिक्सा ठोक्किए

न्यूज ब्यूरो, सिरहा । सिरहामा विँगर र ईलेक्ट्ीक रिक्सा ठोक्किएपछि रिक्सा चालक घाईते भएका छन् ।

सिरहाको सारसर स्थित रहेको हनुमान मन्दिर अगाडी विँगर र ई रिक्सा ठोक्किएको हो । विँगरले ई रिक्सालाई ओभरटेक गर्न खोजेपछि दुर्घटना भएको प्रत्यदर्शीहरुले बताएका छन् ।

बुधबार अपरान्ह करिब ४ः४५ बजेको समयमा ना १ ज ८८८५ नम्बरको विँगरले स १ ह ७२१ नम्बरको ई रिक्सालाई ठक्कर दिएपछि रिक्सा चालक घाईते भएका हुन् । प्रहरीका अनुसार, चालकको अवस्था समान्य रहेको तथा समान्य चोटपटक लागेको हो ।

ठक्करपछि रिक्साको अगाडीको फाईबर फुटेको छ भने बाडी समेत टुटफुट भएको छ । विँगर चालकले रिक्सा चालकको उपचार खर्च र रिक्सा मर्मत खर्च बेहोर्ने सहमति भएको जनाईएको छ ।