धनुषाको दिगम्बरपुरमा आधारभुत स्वास्थ्य केन्द्र स्थापना

न्यूज ब्यूरो, जनकपुरधाम । धनुषाको क्षिरेश्वरनाथ नगरपालिका वडा नम्बर ८ दिगम्बरपुरमा आधारभुत स्वास्थ्य केन्द्रको स्थापना गरिएको छ ।

नगरपालिकाका नगर प्रमुख योगेन्द्र पँजीयारले एक कार्यक्रमबीच सो स्वास्थ्य केन्द्रको उदघाटन गरेका हुन् । क्षीरेश्वरनाथ नगरपालिका वडा नं ८ का वडाअध्यक्ष अशेश्वर महतोको अध्यक्षता तथा नगर प्रमुख पँजीयारको प्रमुख आतिथ्यमा आयोजना गरिएको उदघाटन कार्यक्रममा नागरिकको स्वास्थ्यमा पहुँच बनाउनको लागि एक पाईला चालिएको बताइएईएको छ ।

सो क्रममा वडाध्यक्ष महतोले मानव जिवनमा पहिलो अंगमा स्वास्थ्य क्षेत्र रहि गएको हुनाले जनतामा सुविधा पुग्ने सोचले आधारभुत स्वास्थ्य केन्द्र स्थापना गरिएको बताए । यसका साथै जनतासंग चुनावको समयमा गरेको प्रतिवद्धता अनुसार वाचा पुरा गरेको बताउँदै स्वास्थ्य क्षेत्रमा विकास गर्ने प्रतिवद्धता पनि जनाए ।

वडामा जनतालाई स्वास्थ्य क्षेत्रमा टेवा पुगोस् भन्ने उदेश्यले गाउँ गाउँमा स्वास्थ्य सेवा पुगाउने सोच राखिएको बताए । यससँगै वडामा अब बर्थिङ्ग सेन्टर निर्माण गरिने वडाअध्यक्ष महतोले बताए ।

मेयर पँजीयारले सबभन्दा पहिले स्वास्थ्य, शिक्षा, कृषिमा प्राथमिकता दिए मात्र विकासको परिकल्पना हुने बताए । उनले निर्माणका काम संगै स्वास्थ्य क्षेत्रमा बढी जोड दिदै आएका थपे ।

सोही क्रममा उनले क्षिरेश्वरनगरमा कार्यरत स्वंसेविकाहरुलाई भत्ता लगायत अन्य हुने सेवा सुबिधामा बृद्धि गरेको बताउँदै त्यहाँबाट पाउने स्वास्थ्य केन्द्रबाट औषधि सबै पाउने समेत जानकारी गराए ।

कार्यक्रममा शिक्षा प्रेमी गंगा प्रसाद सिंह ,जल्लाद साझादारी वन अध्यक्ष श्यामलाल महतो , माबि दिगमबरपुर ब्यवस्थापन समिती अध्यक्ष सुरेश प्रसाद सिंह ,त्रिपुश्वर कृषि सहकारी संस्थाका अध्यक्ष रामपुकार महतो , नगरपालिका स्वास्थ्य संयोजक रामबहादुर यादव, सहसंयोजक प्रदिप अधिकारी लगायत स्थानीय भद्रभलादमिको उपस्थिति रहेको थियो ।