अन्ततः जँगलबाट काठ तस्करी गर्ने लामा पक्राउ

न्यूज ब्यूरो, बारा । बारामा लामो समय देखि काठ तस्करीमा सक्रिय रुपमा संलग्न काठ तस्कर पक्राउ परेका छन् । पक्राउ पर्नेमा बाराको जीतपुरसिमरा उपमहानगरपालिका वडा नं.१७ बस्ने बर्ष ३६ का अमर लामा रहेका छन् ।

प्रहरीले उनलाई काठ तस्करी गरिरहेकै अवस्थामा मधुबनको मिलन चौँकबाट एक थान सालको काठ सहित पक्राउ गरेको डिभिजन बन कार्यालय बारा ,सिमराका प्रमुख मञ्जुर अहमदले जानकारी दिनुभयो ।

बन काठ तस्करी मुद्दामा उनी फरार प्रतिवादीको सुचिमा रहेका थिए । अभियुक्त लामालाई पक्राउ गर्ने पुर्जि जारि गरिएपनि उनी लुकीछिपी बस्दै आएका थिए ।

दसैँ बिदाको समयमा पनि डिभिजन बन कार्यालय बाराले बिशेष गस्ती टोलि परिचालन गरी बनको सुरक्षा गरिरहेको डिभिजन प्रमुख अहमदले जानकारी दिनुभयो ।