महिलाको विभत्स सँलग्न आरोपमा गाउँकै मस्जिदबाट खान पक्राउ

न्यूज ब्यूरो, वीरगँज । गत असोज २१ गते पर्सा जिल्लाको कालिकामाई गाउँपालिका वडा नं. ४ पर्शुराम स्थित डङ्गोल खोलामा महिलाको नग्न अवस्थामा भेटाएको लासको सनाखत भएको छ ।

हात खुट्टा बाधेको र घाँटिमा डोरी कसिएको अवस्थामा मृत भेटाएकी महिलाको मँगलबार सनाखत भएको हो । मृतक भारतको उत्तर प्रदेश जिल्ला थाना रामकोला ग्राम सुरजपट्टी बस्ने बर्ष ४० की रेहाना खातुन (मैरुन नेसा) रहेको जिल्ला प्रहरी कार्यालय पर्साले जनाएको छ ।

उनको लासलाई उनकी १८ बर्षिय छोरी तरन्नु खातुनले सनाखत गरेको हो । तरन्नुले उक्त लास आफ्नै आमाको हो भनी सनाख्त गरिदिएको प्रहरीले जनाएको छ ।

अनुहार पानिमा डुबेको अवस्थामा शरिरको आधा भाग देखिएको ४० बर्षिय महिलाको हत्या आरोपमा एक जनालाई प्रहरीले पक्राउ गरी सार्वजनिक गरेको छ ।

पछिल्लो समाचारः प्रदेश २ः खोलामा महिलाको नग्न अवस्थामा लास !

हत्याको अनुसन्धान गर्ने विशेष टोली बनाई प्रविधियुक्त तरिकाद्वारा गरिरहेको अवस्थामा उल्लिखित घट्नामा संलग्न भएर फरार रहेको आरोपमा प्रदेश नं. २ को पर्सा जिल्लाको कालिकामाई गाउँपालिका वडा नं. २ बस्ने अनबर खान पैठानका ३० बर्षिय छोरा शैफुल खान पैठानलाई पक्राउ गरिएको हो ।

प्रहरीले उनलाई लगातार निग्रानी राखी सूचना संकलन गर्दै आएको थियो । घटना पश्चात खान मकवानपुर हेटौडा उमहानगरपालिका वडा नं. ४ चिसापानी चोकमा डेरा गरी बस्दै आएकोमा उनले गत असोज १९ गते नै डेरा कोठा छाडी त्यस स्थानबाट सम्पर्क विहीन भएका थिए ।

फेरी उनले असोज २५ गते आईतबार इन्तियाज खान भन्ने व्यक्तिबाट १ हजार रुपैयाँ लि गई त्यहाँबाट भारत तर्फ भाग्न खोज्दा पक्राउ गरिएको बताइएको छ । उनलाई सोमबार पक्राउ गरिएको हो । मस्जिदमा लुकी छिपी बसिरहेको अवस्थाबाट उनलाई पक्राउ गरीएको प्रहरीले जनाएको छ । उनलाई पक्राउ गरी आवश्यक अनुसन्धान थालिएको प्रहरीले जनाएको छ ।