प्रदेश २ः खोलामा महिलाको नग्न अवस्थामा लास !

न्यूज ब्यूरो, वीरगँज । प्रदेश नं. २ को पर्सा जिल्लामा एक महिलाको लास खोलामा फेला परेको छ ।

पर्सा जिल्लाको कालिकामाई गाउँपालिका वडा नं. ४ पर्शुराम स्थित डङ्गोल खोलामा महिलाको नग्न अवस्थामा लास भेटाएको हो । हात खुट्टा बाधेको र घाँटिमा डोरी कसिएको अवस्थामा महिला मृत भेटाएकी हुन् ।

अनुहार पानिमा डुबेको अवस्थामा शरिरको आधा भाग देखिएको अन्दाजी बर्ष ४५ की उक्त महिलाको हाल सम्म नाम थर वतन नखुलेको जिल्ला प्रहरी कार्यालय पर्साले जनाएको छ ।

शरीरको माथिल्लो भागमा रातोमा पहेलो रंगको बुट्टा भएको चोलो लगाएको र छात्ती भन्दा मुनी नग्न रहेको तथा दुबै हात क्रस गरी खैरो रंगको कपडाको डोरीले बाँधिएको अवस्थामा मृत भेटीएकी हुन् ।

मृतक महिलाको सनाखत अझै हुन नसकेको भन्दै प्रदेश प्रहरी कार्यालयले महिलालाई चिन्नेले नजिकको प्रहरी चौकीमा खवर गर्न अनुरोध गरेको छ । प्रहरीले निम्न प्रकारको हुलिया लेख्दै चिन्नेले प्रहरीसँग खवर गर्न अनुरोध गरेको हो ।

दाहिने तथा बाँया हातको काईली औलामा सुन जस्तो देखिने पहेलो धातुको औठी लगाएको, र दाहिने हातको नाडीमा हरियो रंगको बाला समेत लगाएको, दुबै खुट्टा सिधा रही क्रस गरी गुलावि रंगको पेटिकोटको कपडाले बाधिएको र दुबै खुट्टामा चाँदी जस्तो देखिने धातुको पाउजु समेत लगाएको, अनुहारमा रातोमा पहेलो रंगको बुट्टा भएको साडीले कसीएको अवस्थामा रही घाँटिमा समेत सोही साडी बेरीएको अवस्थामा रहेको र घाँटीमा कालो रंगको पोतेमा सुन जस्तो देखिने पहेलो धातुको लकेट (मंगल सुत्र) लगाएको हात खुट्टाको औलामा मेहेन्दी जस्तो रातो रंग समेत भएको, दुबै कानमा सानो कालो रंगको टप लगाएको, अनुहार हल्का गोरो, अवस्थामा रहेको उचाई ५ फिट ३ ईन्च” भनेर हुलिया सार्वजनिक गरेको छ ।