बारामा सवारी दुर्घटना हुँदा १ जनाको मृत्यू, ३ घाईते !

न्यूज ब्यूरो, बारा । बारा जिल्लाको विभिन्न ठाउँमा भएको दुर्घटनामा परी एक जनाको मृत्यू भएको छ भने ३ जना घाईते भएका छन् ।

बाराको जितपुरसिमरा उपमहानगरपालिका वडा नं। १६ स्थित पुर्वपश्चिम लोकमार्गमा निजगढबाट पथलैयातर्फ आउदै गरेको ट्याक्टरबाट खस्दा सोही ट्याक्टरले किचिएर एक जनाको मृत्यु भएको छ ।

ना. ३ त. ११०६ नं.को टेलर जडान गरी भुस लोड गरेको ना. १ त. ५८०० नं. को गुडिरहेको निदाएर ट्याक्टरबाट खस्दा सोही ट्याक्टरले किचिएर कलैया उपमहानरपालिका वडा नं. २२ मदिलवा बस्ने २५ वर्ष को शेख रुस्तमको मृत्यु भएको जिल्ला प्रहरी कार्यालय बाराले जनाएको छ ।

ट्याक्टर र चालक कलैया उपमहानगरपालिका वडा नं. २२ बस्ने ३७ वर्षका कैलाश राम महरालाई प्रहरीले नियन्त्रणमा लिएको छ । मृतकको मुचुल्का सहित थप अनुसन्धान भइरहेको बारा प्रहरीले जनाएको छ ।

यता, कलैयाबाट बरियारपुरतर्फ गईरहेको ज ९३९८ नम्बर मोटरसाइकल र बरियारपुर बाट कलैयातर्फ आईरहेको ना २३ प ९५ नम्बरको मोटरसाइकल एकआपसमा ठोकिदा ३ जाना घाईते भएका छन् ।

ज ५ प ९३९८ नम्बरका चालक सर्लाही जिल्ला बरहथवा निवासी अमित श्रीवास्तव टाउकोमा चोट लागेको र ना २३ नम्बरका मोटरसाइकल चालक बाराको आदर्शकोतवाल गाउँपालिका वडा नम्बर १ का जितेन्द्र कुशवाहा र सोहि मोटरसाइकलमा सवार बाबुलाल महतो घाईते भएका छन् ।

घाईते जितेन्द्र कुशवाहाको टाउको पछाडिको भाग फुटेको र बाबुलाला महतोको टाउको र खुटामा चोट लागी घाईते भएका छन् ।घाईतेहरुलाई थप उपचारका लागि बिरगन्जको नारायणी अस्पताल पठाइएको जिल्ला प्रहरी कार्यालय बाराका प्रहरी प्रबक्ता गौतम मिश्रले बताएका छन ।

दुबै मोटरसाइकल प्रहरी चौकी बसपार्कमको नियन्त्रणमा रहेको प्रबाक्ता मिश्रले बताउनु भयो ।