धनुषाको धनौजी गाउँपालिका करिब १ महिनादेखि बन्द

न्यूज ब्यूरो, जनकपुरधाम । धनुषाको दक्षिणी भेकमा पर्ने धनौजी गाउँपालिका करिब १ महिनादेखि बन्द अवस्थामा रहेको छ ।

सधैं विवादमै तानिरहने धनौजी गाउँपालिकामा गत असोज १ गतेदेखि नै वडाध्यक्ष र उपमेयरले विज्ञप्तरी जारी गरी तालाबन्दी गरेको थियो । सो तालाबन्दी अहिलेसम्म जारी रहेको छ ।

पटकपटक प्रमुख प्रशासिकय प्रमुख परिवर्तन गरेको आरोप गाउँपालिका अध्यक्ष बद्री सिँह उपर लगाउँदै तालाबन्दी गरेको हो । ३ बर्षको अन्तरालमा आधा दर्जन अधिकृत बदलिएको आरोप लगाउँदै लगाएको ताला अझै खुल्न सकेको छैनन् ।

वार्ताको लागि ३–३ पटक बसे पनि अहिलेसम्म वार्ता भने सफल हुन नसकेको हो । सोही क्रममा गत असोज १३ गते तालाबन्दी खोलाउने सम्बन्धमा छलफल हुदै क्रममा गाउँपालिकाको वाड नं. ५ का वडासदस्य राम पबित्र मण्डल र करारको कर्मचारी छोटु मण्डलले गाउँपालिकाकी सहायक प्रमुख मिरा देविलाई मादक पदार्थ सेवन गरी गाउँपालिका कार्यालयमै गाली गलोच र धाकधम्की दिएको आरोपमा जिल्ला प्रहरी कार्यालय धनुषामा निवेदन दिएपछि झन विवाद चुलिएको हो ।