बजरंग बचत तथा ऋण सहकारी संस्थाको १० औं साधारण सभा सम्पन्न

न्यूज ब्यूरो,जनकपुरधाम । ग्रामिण क्षेत्रमा आम सर्वसाधारणको लागि सँजीवनी बनेको बजरंग बचत तथा ऋण सहकारी संस्था लिमिटेड मिथिला बिहारी नगरपालिका ५ ललियाको १० औं साधारण सभा समपन्न गरिएको छ ।

संस्थाको अध्यक्ष सुरेन्द्र साहको सभापतित्वमा सम्पन्न भएको सो कार्यक्रममा सँस्थाले ग्रामिण भेकमा आम सर्वसाधारणहरुको लािग सँजीवनी प्रदान गरिएको बताए । उनले दैनिक जिवनयापन गर्नका लागि आर्थिक त्यतिकै खाँचो रहेको अवस्थामा बजरँग बचत तथा ऋण सहकारी सँस्थाले बचत गर्ने बानी बसाएको उल्लेख गरे ।

“सब भन्दा पहिला बचत बानी अति आवश्यक रहेकोले गर्दा हामीमा सब भन्दा पहिला बचत गर्ने बानी आफू पनि गरौ । अरु लाई पनि बचत गर्ने सल्लाह दिनु आवश्यक छ । – उनले भने ।

सो क्रममा संस्थाको गत आर्थिक वर्षको आय–व्यय सार्वजनिक गर्नुका साथै करिब ५० लाखको कारोबारमा सँस्था पुगिसकेको समेत जानकारी अध्यक्ष साहले गराए ।

मिथिला बिहारी नगरपालिकाकी उपप्रमुख अनिता कुमारी साहको प्रमुख आतिथ्यमा सम्पन्न भएको सो कार्यक्रममा उनले सँस्थाका पदाधिकारीलाई शुभकामना दिँदै आम नागरिकमा बचत गर्ने बानीको विकासको खाँचो औल्याईन् ।

उनले बचत गर्ने बानीको विकासको लागि यसै सँस्थाहरुले गाउँ घरमा जनचेतना समेत फैलाउने आवश्यकता रहेको बताइन् । गरिब, निमुखा नागरिकहरुले बचत गर्ने बानीको विकास नभएकै कारण पनि दिनानुदिन गरिबीको चरम रेखामुनि पुग्न गइरहेको जिकिर गरिन् ।

सो कार्यक्रममा संस्थाकी पूर्व अध्यक्ष एवं हाल सल्लाहकार रौदी मुखिया, राम देब मण्डल , शिक्षक सद्स्य ,संस्था भूपू अध्यक्ष शंकर मण्डलको विशेष सहभागीता रहेको थियो ।

संस्थाकि मुल समिती सद्स्य नारायण मण्डलले कार्यक्रम सँचालन गरेका थिए भने सो क्रममा श्री प्रसाद यादव , अजय कुमार साहको विशेष आतिथ्य रहेको थियो । कोषाध्यक्ष , बिजय कुमार मण्डल ,वार्ड नं ५ अध्यक्ष बिनोद कुमार मण्डल , लगायत शेयर सद्स्यहरुको व्यापक उपस्थित रहेको थियो ।