सिरहाको शिक्षा विकास तथा समन्वय इकाइ प्रमुखमा यादव

न्यूज ब्यूरो, सिरहा । सिरहाको शिक्षा विकास तथा समन्वय इकाइमा कार्यालय प्रमुखको लागि सरुवा भएर आएका शशी कुमार यादवले कार्यभार सम्हालेका छन् ।

कार्यालय प्रमुख यादव बुधबार कार्यभार सम्हालेका हुन् । उनलाई बुधबार कार्यालयमा यहाँका कर्मचारीहरुले स्वागत गरेका छन् ।

यसअघि उनी बारामा शिक्षा विकास तथा समन्वय इकाइ प्रमुखका रुपमा कार्यरत थिए । शिक्षा विज्ञान तथा प्रविधि मन्त्रालयको सचिवस्तरको निर्णयानुसार यादवलाई सिरहा पठाइएको हो ।

उनी बारामा हुँदा जिल्ला भरिका पालिकाहरुमा शिक्षा ऐन बनाउन समेत संयोजकको भुमिका निर्वाह गरेका थिए । सिरहा आएलगत्तै उनले तत्कालको अवस्थामा भौतिक उपस्थिति गराएर पठनपाठन नगर्न नगराउन हुन निर्णय पनि गरेका छन् ।

कोरोना संक्रमणको जोखिम कायमै रहेको अवस्थामा पनि विद्यालयहरुमा पठनपाठन थालिँदा खतरा हुनेसक्ने भन्दै यस्तो निर्णय लिएको प्रमुख यादवले बताए ।