डा. केसीको जीवन रक्षाको माग गर्दै जलेश्वरमा नेविसँघको धर्ना

न्यूज ब्यूरो, जलेश्वर । चिकित्सा शिक्षा सुधारको माग गर्दै विगत २३ दिनदेखि अनसनमा बसेका डा. गोविन्द केसीको जीवन रक्षाको माग गर्दै विद्यार्थी नेताहरु धर्ना दिएका छन् ।

प्रदेश नं. २ को महोत्तरीको सदरमुकाम जलेश्वर स्थित नेपाली काँग्रेस निकट नेपाल विद्यार्थी सँघ (नेविसँघ) ले मँगलबार शान्तीपूर्ण धर्ना दिएका हुन् । उनीहरु जलेश्वरको बुद्धिजीवी चोकमा दिउँसो १ बजेदेखि १ः३० बजेसम्म आधी घण्टा घाममै धर्ना दिएका हुन् ।

नेपाली कांग्रेस सूचना,सञ्चार तथा प्रचार विभागका केन्द्रिय सदस्य बजरंग नेपालीको नेतृत्वमा दिएको धर्नामा डा. केसीको माग जायज हुँदाहुँदै सरकारले बेवास्ता गरेको भन्दै उनको जीवन रक्षाको माग गरेका हुन् ।

डा. केसीको समर्थन एवं उनको जीवन रक्षा तथा जायज मागहरूप्रति एकयताबद्धता र संघिय सरकारको गैरजिम्मेवारीपनका बिरूद्ध आफुहरुले शान्तिपूर्ण धर्ना दिएको नेविसंघ महोत्तरीका अध्यक्ष आशुतोष झा नविनले जानकारी दिए ।

नागरिक सरोकार बिरोधी सरकार मुर्दावाद, मेडिकल माफियाको दादागिरी बन्द गर, डा।गोवीन्द केसीको माग पुरा गरलगायतका नारा लेखिएको प्लेकार्ड सहित उनीहरूले धर्ना दिएका छन् ।

धर्नामा नेपाली कांग्रेस सूचना,सञ्चार तथा प्रचार विभागका केन्द्रिय सदस्य बजरंग नेपाली , नेपाली कांग्रेस महोत्तरीका नगर सभापति अशोक साह, नेता लबराजा सिंह, तरुण दलका जिल्ला अध्यक्ष बिनय यादव , क्षेत्रीय सभापति दिलिप पाण्डे , जलेश्वर उद्योग वाणिज्य संघका पुर्वअध्यक्ष राजु साह, नेविसंघका जिल्ला नेता आशुतोष झा, सुनिल सुमन, निवेश मण्डल, नेविसंघका नगर सभापति बादल साहलगायतका नेता कार्यकर्ताहरुको सहभागिता रहेको थिए ।