चिकित्सा शिक्षा आयोग विरुद्ध डा. बिनय पँजीयारद्धारा सर्वोच्चमा रिट

न्यूज ब्यूरो, जनकपुरधाम । चिकित्सा क्षेत्रका विद्यार्थीहरुको लागि अग्रणी लडिरहेका डा. विनय पँजीयारले चिकित्सा शिक्षा आयोग विरुद्ध नै रिट दायर गरेका छन् ।

मँगलबार चिकित्सा शिक्षा आयोगद्धारा सँचालन हुन लागेको PG(MD/MS) तहको Common Entrance Exam मा आरक्षण स्थापित गर्दै समानुपातिक समावेसी स्थापनाको निम्ति रिट दर्ता गराइएको हो ।

जनकपुरका डा. विनय पँजीयारले चिकित्सा शास्त्र विद्यार्थीहरुको सहुलियतको लागि विभिन्न समयमा माग गर्दै आएको आरक्षणको सँस्थागत गर्नको लागि रिट दायर गरेको बताएका छन् ।

चिकित्सा शिक्षा आयोग सानो ठिमी भक्तपुरलाई विपक्षी बनाउँदै मँगलबार दिउँसो गरिएको रिटमा असोज २२ गते विहिबार आयोगलाई सर्वोच्च अदालतमा उपस्थित हुन तारेख दिएको छ ।