उपमेयर ठाकुरको अथक प्रयासपछि रौतहटमा पनि मानव सेवा केन्द्र

न्यूज ब्यूरो, रौतहट । रौतहटका रौतहटको गौर नगरपालिकाकि उप–प्रमुख किरण ठाकुरको बिशेस पहलमा मानव सेवा केन्द्र रौतहट गौरको भवन निर्माण गरिएको छ ।

दुई दसक भन्दा लामो समय देखि सामाजिक क्षेत्रमा आबद्ध भइ हाल गौर नपाकी उप–प्रमुखको पदमा रहेकी ठाकुरले आफनै अध्यक्षतामा जिल्लाको सयकडौ भद्रभलादमी,स्थानीय पत्रकार ,पुर्वशिक्षक ,वकिल समेतलाई समेटी एक समूह बनाइ मानब सेवा केन्द्रको स्थापना गर्न सफल भएकी हुन।

पछिल्लो समय आफ्नै सन्तानबाट विभिन्न कारण बस टाढा हुन पुगेका ,अलपत्रमा परेका वृद्ध,महिला तथा बालबालिकालाई बस्नको लागि साझा चौतारीको रुपमा रौतहटको इतिहासमा पहिलो चोटि मानब सेवा केन्द्र स्थापना भएपछि स्थानीय हर्सित भएका छन।

समाजसेवी, विकासप्रेमी, मानव सेवामा समर्पित व्यक्तिहरुद्धारा महिला, बालबालिका तथा ज्येष्ठ नागरीक एवं वृद्धहरुको अनेक समस्याहरुलाई न्यू्निकरण गर्न दिवा सेवा केन्द्र, दीर्घकालिन पुर्नःस्थापना गृह, आश्रम गृह र चेतनामुलक कार्यक्रम गर्न मानव सेवा केन्द्र, रौतहटको स्थापना २०७५सालमा भएको उप -प्रमुख किरण ठाकुरले बताइन ।

केन्द्रले गौर न।पा। २ महादेवपटिमा रामलक्ष्मण जानकी मन्दिर स्थित साढे दुई कठा जग्गा व्यवस्था गरी प्रदेश २ सरकारका भौतिक पूर्वाधार विकास मन्त्रालयको आर्थिक सहयोगमा करीब २४०० वर्ग फीटमा ४ कोेठा र १ हल सहितको १ तले भवन निर्माणका काम समपन्न गरिएको ठाकुरले जानकारी दिइन ।

अब माथिल्लो तल्लोको भवनको काम सुचारु हुने त्यसका लागि विभिन्न सहयोगि हात र पालिका सङ बिचार विमर्श भइरहेको उहाँले थपिन। सहयोगि हातलाई धन्यवाद र आभार ब्यक्त गर्दै उहाँले यस केन्द्रले आफ्नो उद्देश्य अनुरुप मानवीय सेवा प्रदान गर्ने उद्देश्यले भारतीय राजदूतावासको सहयोगमा एक थान एम्बुलेन्स प्राप्त गरी विगत ९ महिनादेखि अनवरत रुपमा विश्व विनाशकारी कोरोना भाईरसको महामारीको बेला पनि सेवा दिदै आएको ठाकुरले स्पष्ट पारिन ।

भारतीय राजदूतावासको सहयोगमा बालबालिका तथा समाजका बौद्धिक व्यक्तिका लागि पुस्तकालय स्थापनार्थ रु. ४० हजारको अनुदान प्राप्त गरेको छ । सेवा केन्द्रले गौर न।पा।को उप प्रमूखको बजेट सहयोगमा बृद्ध बृद्धा तथा यूवाहरुको शारिरीक व्यायामका लागि व्यायाम सामग्रीहरु ८ सेट जुटाउन सकेको छ ।

तथापि यस केन्द्रले निकट भविष्यमा कार्यालय संचालन, ज्येष्ठ नागरीकका लागि दिवा सेवा केन्द्र संचालन लगायतका कार्यहरु गर्न तथा अन्य संरच्नात्मक, जनचेतनामूलक एवं कल्याणकारी क्रियाक्लापहरु गर्न केन्द्र लागी परेको ठाकुरले बताइन।

सेवा केन्द्रका सचिब बिजय किशोर झाले विभिन्न निकाय तथा सहयोगी हातहरुको सहयोग प्राप्तिका लागि केन्द्र अपेक्षित रहेको बताए । तत्काल कार्यालय फर्निचर दराज, टेबल कुर्सी, सभाहलका फर्निचर सजावट, एल ई डी टीभी, प्रोजेक्टर, ईन्भर्टर, कम्प्यूटर, प्रिन्टर र फोटोकपी, साउण्ड सिस्टम, घरभित्र खेलिने सामग्रीहरु जस्तै क्यारेम बोर्ड, चेस, आदि, पिङ्गहरु, सौन्दयीकरणका फूल बगैचा, पुस्तकालयका निम्ति पुस्तकहरु, अनाथ, कमजोर तथा असहायका लागि कपडा बैंक संचालन गर्न कपडाहरु आदि सामग्रीहरुको व्यवस्था गर्नु पर्ने झाको जानकारी दिए।अधिकांश सहयोगी हातहरुबाट सहयोग गर्ने भनी सकरात्मक विश्वास प्राप्त भएको छ ।

मानव सेवा जस्ता पूण्यकार्यमा सहयोग गर्न हुन सबैमा अनुरोध समेत गरिएको छ । सेवा केन्द्र निर्माण सङ्गै सेवा केन्द्रले स्थानीय जेष्ठ नागरिकलाई सम्मान गरेको छ।मानव सेवा केन्द्रले आफ्नै हलमा एक कार्यक्रम आयोजना गरि अन्तर्राष्ट्रिय जेष्ठ नागरिक दिवस भवयताका साथ मनाएको हो।

सेवा केन्द्रको सचिव तथा जेष्ठ नागरिक संघको जिल्ला अध्यक्ष बिजय किशोर झा ज्युको अध्यक्षतामा तथा जिल्ला समन्वय समितिको सभापति राम एकवाल राय यादवको प्रमुख अतिथिमा सयकडौ जेष्ठनागरिकलाई बिहिवार सम्मान गरेको हो।

सो अवसरमा जिल्लाका बुद्धिजिवि भद्र भलादमी आदरणीय व्यक्तिवज्यु हरुको उपस्थितिमा जेष्ठ नागरिकहरुको हक हित, मान सम्मान लगायतका विभिन्न विषय माथि छलफलका साथ मानव सेवा केन्द्र रौतहटको उदेश्य लक्ष्य र परिकल्पना तथा प्रगतिबारे प्रस्तुत गरिएको सेवा केन्द्रका श्री भगवान् ठाकुरले बताए।