प्रदेश २ : एक युवकलाई बाघले खाए, दुई गम्भिर घाईते !

न्यूज ब्यूरो, रौतहट । प्रदेश नं. २ को रौतहटमा एक युवकलाई बाघले आक्रमण गर्दा मृत्यू भएको छ ।

सोही क्रममा बाघको आक्रमणमा परी सोही ठाउँका दुई जना गम्भिर घाईते भएका छन् ।

रौतहट जिल्लाको चन्द्रपुर नगरपालिका वडा नम्बर ६ चिम्नीटोलका १ युवककोे मृत्यु भएको छ भने २ जना गम्भिर घाईते भएका छन् ।

मंगलवार रंगपुर साझेदारी बन उपभोक्ता समुहको जंगल क्षेत्र भित्र घाँस लिन गएका २८ बर्षिय संगम भण्डारीलाई बाघले खाएर मृत्यु भएको ईलाका प्रहरी कार्यालय चन्द्रनिगाहपुरले जानकारी दिएको छ ।

घाँस लिन बिहानै हिडेका भण्डारी रात सम्म पनि घर नफर्किदा खोज्न गएका १०–१२ जना मध्ये २ जनालाई समेत बाघले घाईते बनाएको थियो ।

बाघको आक्रमण बाट घाइते हुनेमा चन्द्रपुर ६ का २८ बर्षिय अशोक थापा र ३५ बर्षिय प्रबिण श्रेष्ठ रहेका छन ।

उनिहरुको चन्द्रपुर हस्पिटल प्रा.लि. मा उपचार भईरहेको प्रहरीले जानकारी दिएको छ । प्रहरीले जंगलबाट शव फेलापार्दा मृत्यु भएको भण्डारीको कम्मर देखि तल्लो भाग बाघले खाएको जनाईएको छ ।

बाँकि रहेको शरिरको भाग पोस्टमाटमको लागि चन्द्रनिगाहपुर अस्पतालमा बुझाईएको ईलाका प्रहरी कार्यालय चन्द्रनिगाहपुरका डिसपी हेम बहादुर शाहीले जानकारी दिएका छन् ।