कोरोनाबीच सिरहाका सरकारी स्कूलहरु सँचालनमा

न्यूज ब्यूरो, सिरहा । कोरोनाकै बीच स्वास्थ्य सुरक्षा मापदण्ड पूरा गर्दै सिरहाका समुदायिक स्कूलहरु आजदेखि सँचालनमा आएको छ ।

जिल्ला शिक्षा समन्व्य समिति सिरहाका अनुसार सिरहा जिल्लाको मिर्चैया र गोलबजार नगरपालिका तथा लक्ष्मीपुर पतारी गाउँपालिकालगायतका स्थानीय तहमा सामुदायिक तथा निजी विद्यालयहरु आवश्यक स्वास्थ्य सुरक्षाका मापदण्ड पूरा गरी सञ्चालनमा आएका हुन् ।

कोरोना सङ्क्रमण फैलिन नदिन सरकारले गरेको बन्दाबन्दीका कारण गत चैत्र ११ गतेदेखि बन्द रहेका विद्यालयहरु स्थानीय तहको निर्णयअनुसार नियमित सञ्चालनमा आएका छन् ।

विद्यालयमै सामाजिक दूरी कायम गरी स्वास्थ्य सतर्कता अपनाएर कक्षा सञ्चालन गर्न विद्यालयहरुलाई निर्देशन दिएअनुसार नगर क्षेत्रका विद्यालयहरु आईतबारबाट सञ्चालनमा आएको मिर्चैया नगरपालिकाका मेयर श्रवण यादवले जानकारी दिए ।

करीब छ महिनापछि विद्यालय सञ्चालनमा आएकाले विद्यार्थीको सङ्ख्या कम भएपनि दुई सिफ्टमा गरी नियमित पठनपाठन सञ्चालनमा ल्याइएको विद्यालयहरुले जनाएका छन् ।