सार्वजनिक जग्गाहरुम भू–माफियाको आँखा, सरकारी जग्गा कब्जा गर्दै

न्यूज ब्यूरो, बारा । बाराको जीतपुरसिमरा उपमहानगरपालिकाका सार्वजनिक जग्गाहरुको संरक्षण गर्ने निकायले चासो नदेखाउँदा भुमाफिया तथा पहुँच वालाले सार्वजनिक जग्गाहरु मिच्ने गरेको पाइएको छ ।

जीतपुरमा रहेको रिलायन्स सुपरटेक सिमेन्ट प्रा।लि उधोगले सगरदिन छातपिपार, बेहाराहुँदै बग्ने कुलोलाई अतिक्रमण गरेको पाईएको छ । उक्त उधोगले १२ फिट देखि १८ फिट सम्म चौडाई रहेको कुलोको सात कठ्ठा जग्गा हड्पेको श्री सगरदिन मौजा बाधपैन समितिका अध्यक्ष सुरेन्द्र साहले बताएका छन ।

रिलायन्स सुपरटेक सिमेन्टले स्थानीय केही ब्यक्तिहरुलाई लोभलालच देखाई अतिक्रमण गरिरहेको समेत साहले बताउनु भयो । उक्त कुलोको पानी सगरदिना छातपिपारा, बलुवा, बेहरा लगायतका ठाउँमा रहेको खेतहरुमा खेती गर्न प्रयोगमा आउँदै गरेको थियोे तर उधोगले कुलो अतिक्रमण गरिदिँदा किसानहरु मर्कामा परेको छातपिपराको किसान रोशन चौधरीले गुनासो गरेका छन ।

उक्त कुलो रिलायन्स सुपरटेक सिमेन्ट उधोग हुँदै बगेको छ । उधोगले दादागिरी शैलीमा सार्वजनिक जग्गा एवम कुलो मिचेको भएतापनि पैसाको लोभ लालच देखाई यस बिरुद्धमा आवाज उठाउनेहरुलाई आफ्नो मान्छे लगाई पन्छाउने गरेको श्री सगरदिन मौजा बाधपैन समितिका अध्यक्ष सुरेन्द्र साहले बताएका छन ।

यदि उधोगले अतिक्रमित जग्गा तथा कुलो अतिक्रमण गर्न नछोडेमा बृहत् आन्दोलन गर्ने र सम्बन्धित निकायहरुलाई दवाब सिर्जना गर्ने किसानहरुले जानकारी दिएका छन ।