नेपाल-चीन बोर्डरको ११ नम्बर पिलर भेटियो

न्यूज ब्यूरो, काठमान्डौं । लामो समयदेखि हराएको भनिएको नेपाल–चीन सीमा छुट्याउने ११ नम्बर सीमास्तम्भ भेटिएको छ । नाम्खा गाउँपालिकाका अध्यक्ष विष्णुबहादुर लामाका अनुसार हुम्लाका प्रमुख जिल्ला अधिकारी चिरन्जीवी गिरीको नेतृत्वमा गएको टोलीले बुधबार स्तम्भ भेट्टाएको भनेर न्यूज २४ अनलाईनमा समाचार प्रकाशित भएको छ ।

सीमामा पर्ने लाप्चा क्षेत्रमा चिनियाँ पक्षले एकतर्फी रुपमा ९ वटा भवन बनाएको सार्वजनिक भएपछि सो भूमिको निर्क्यौल गर्न नेपाली पक्षले पिल्लरको खोजीलाई तीव्र बनाएको थियो । अध्यक्ष लामाका अनुसार सीमास्तम्भ नाम्खा गाउँपालिका–६ को टाकुलेमा हिउँ र माटोले पुरिएको अवस्थामा स्तम्भ भेटिएको हो ।

लाप्चामा रहेको १२ नम्बर स्तम्भ नजिकै ललुङजोङमा चीनले संरचना निर्माण गरेपछि आइतबार हुम्लाका प्रमुख जिल्ला अधिकारी चिरञ्जीवी गिरीको नेतृत्वमा नेपाली सेना, सशस्त्र, नेपाल प्रहरी र जनप्रतिनिधिको टोली सीमा निरीक्षण तथा पिल्लर खोज्न हिँडेको थियो । चिनियाँ पक्षले बनाएको भवनहरु हेरेर सोमवार फर्किएका थिए ।

करिब पाँच वर्षदेखि हराएको ११ नम्बर सीमास्तम्भ हिउँ र माटोले पुरिएको अवस्थामा स्तम्भ भेटिएको लामाले जानकारी दिनुभयो । सीमास्तम्भ भेटिएपछि अब रेखांकन गर्न सहज हुने उहाँले बताउनुभयो । सीमास्तम्भ भेटिए पनि चिनियाँ पक्षले बनाएको भवन कहाँ पर्छ भन्ने निर्क्यौल जिल्लाको टोली फर्किएपछि थाहा हुने जानकारी दिएको भनेर न्यूज २४ टेलिभिजनको अनलाईनस सँस्करणले समाचार प्रकाशित गरेको हो ।

पिलर हराएको मौका छापी लिमीको लाप्चामा नेपाली भूमि अतिक्रमण गरी चिनियाँ पक्षले भवन निमाणको गरेको लिमीका स्थानीयबासिले दाबि गर्दै आएका छन् । सीमा निरीक्षण तथा पिल्लर खोज्न हिँडेका टोलीलाई चिनियाँ पक्षले आफ्नै भूमि भएको दाबी गरेको थियो ।

---

सन्दर्भ समाग्री : न्यूज२४ नेपाल डट टिभी, विहिबार ९ः३३ बिहान

Origional Link : https://www.news24nepal.tv/2020/09/24/70206