धनुषाका सहिद सूर्यनाथको सम्झनामा बारामा वृक्षारोपण

न्यूज ब्यूरो, बारा । धनुषाका सहिद सूर्यनाथ रान यादवको सम्झनामा बारामा बृक्षारोपण गरिएको छ ।

बाराको प्रसौनी गाउपालिका वडा नम्वर १ मा रहेको श्री ज्ञान ज्योति प्राथमिक विद्यालयको प्राङ्गणमा शहिद यादवको ३५ औं स्मृति दिवसको अवसरमा वृक्षारोपण गरिएको हो ।

नेपाल कम्युनिष्ट पार्टी प्रसौनीको आयोजनामा शहिद यादवको सम्झनामा वृक्षारोपण गरिएको प्रदेश सभाका प्रत्यासी उम्मेदवार उमेश कुशवाहाले जानकारी दिएका छन छन् । वृक्षारोपणको प्रमुख अतिथि समेत रहेका कुशवाहाले शहिद यादवले पार्टी प्रति गरेको योगदानको चर्चा समेत गरेका थिए ।

पार्टी विधि विधानको परिधी भित्र रहेर चल्ने भएकोले सवै जनाले यसलाई पालना गर्न आग्रह समेत गरे । शहिद यादव यस संसारमा नरहे पनि महानताले उनी सबैको मानसपटलमा रहेको उनले बताए ।

नेकपा प्रसौनीका अध्यक्ष बिनोद पटेलको अध्यक्षतामा भएको कार्यक्रममा युवा याकुप अन्सारी, सन्तोस साह, तेज नाथ पटेल, नरेश मन्डल, प्रभु दास, ललिन्द्र पटेल लगायतको सहभागिता रहेको थियो ।