लायन्स क्लबद्धारा सुरक्षाकर्मीहरुलाई सेनिटाइजर

न्यूज ब्यूरो, बारा । लायन्स क्लबका पास्ट जोन चेयर पर्सन दिपेन्द्र श्रेष्ठ द्वारा सुरक्षाकर्मीलाई सेनिटाइजर वितरण गरेका छन ।

श्रेष्ठले जिल्ला ट्राफिक प्रहरी कार्यालय बारा, सशस्त्र बेस क्याम्प निजगढ, इलाका प्रहरी कार्यालय निजगढमा पुगि १०र१० थान गरि ३० थान सेनिटाइजर निजगढका सुरक्षाकर्मीलाई वितरण गरेका हुन ।

लायन्स क्लब अफ निजगढ र लायन्स क्लब अफ निजगढ पिसको सयुक्त आयोजना भएको स्वास्थ्य सामग्रि वितरण कार्यक्रमलाई थप हौसला पुर्याउनु उनले आफु व्यक्तिगत रूपमा उक्त सेनिटाइजर प्रदान गरेको बताएका छन ।

श्रेष्ठले कोरोना महामारी नियन्त्रणमा अग्रभागमा सुरक्षाकर्मी रहेको र पछिल्लो समयमा सुरक्षाकर्मीनै बढी संक्रमित हुँदै गएका कारण सुरक्षाकर्मीलाई स्वास्थ्य सामग्री वितरण गरेको जानकारी दिनु भयो ।

उक्त हस्तान्तरण कार्यक्रममा लायन्स क्लब अफ निजगढका प्रेसिडेन्ट रामचन्द्र जयसवाल र लायन्स क्लव अफ निजगढ पिसका पास्ट प्रेसिडेन्ट बिकास लामाको समेत उपस्थिति रहेको थियोे ।