बीरगँजमा एक गरिब युवकलाई तरकारी बेचेको भन्दै हथकडी

न्यूज ब्यूरो, वीरगँज । वीरगँजमा एक गरिबले तरकारी बेचेको भन्दै प्रहरीले हथकडी लगाएका छन् । वीरगँज महानगरपालिका वडा नं. १२ मुर्लीका एक युवकलाई प्रहरीले कोरोनामा तरकारी बेचेको भन्दै नियन्त्रणमा लिएका हुन् ।

प्रहरीले त्यहाँ स्थित रहेको ब्रहमचोक नजिकै ठेलामा तरकारी बेचिरहेको अवस्थामा ३६ बर्षिय युवक सँजय साहलाई अन्धाधुन लाठीचार्ज गर्दै उनलाई अपराधी शैलीमा नियन्त्रणमा लिईएको प्रत्यक्षदर्शी बताउँछन् ।

साहलाई दलबल सहित पुगेको बसपार्क प्रहरी चौकीका प्रहरी टोलीले उनलाई अपराधी जस्तै निर्घात कुटपिट गरी नियन्त्रणमा लिएको हो । स्थानिय प्रशासनले नै बिहान ५ बजेदेखि ८ बजेसम्म समाजिक दुरी कायम गरी तरकारी तथा फलफुल विक्री वितरण गर्न छुट दिएपनि उनलाई निर्घात कुटपिट गरि हथकडी लगाएको हो ।

गस्तीमा रहेका बसपार्क प्रहरी चौकीका प्रहरी निरिक्षक उपेन्द्र यादवले ब्रहमचोकमा ठेलामा तरकारी बेचिरहेका युवक साहलाई बिहान कुटपिट गर्दै हातमा हतकडी लगाएर नियन्त्रणमा लिई आवश्यक कारवाहीको लागि जिल्ला प्रहरी कार्यालयमा पुरयाएका हुन् ।

प्रहरी नायब निरिक्षक यादव संग बुझदा तरकारी बेच्ने साहले अटेरी गरेका कारण हातमा हतकडी लगाएर नियन्त्रणमा लिएको स्वीकार्य गरे । स्वंम कानुन बनाउँनेलाई कानुनको उलंघन गर्न पाईन्छ प्रश्न गर्दा उनले भने,–“के गर्ने माथिको आदेश अनुसार आफू बाध्यताले उनलाई नियन्त्रणमा लिएको हौ ।”

प्रहरीले शुक्रबार बेलुका वीरगन्जको रेल्वे रोड स्थित मिथिलानगर चोकमा पनि लाठीचार्ज गरेको थियो । तरकारी बजारमा भिडभाड भएको भन्दै अन्धाधुन लाठीचार्ज गर्दै सबैजनालाई धपाउँने काम गरे । प्रहरीले बल प्रयोग गर्न थालेपछि कतिपयले सडक किनारामा विक्रीका लागि राखेका तरकारी तथा फलफुलहरु छाडेर नै भागे ।

स्थानिय प्रशासनले निषेधाज्ञाको नाममा सर्वसाधारण जनतालाई मात्र दुख दिने काम गरेको स्थानियले आरोप लगाएका छन । प्रहरी प्रशासनले गरिब जनतामाथि जबरजस्ती नियम कानुन थुपारेर बन्धक बनाउँने काम गरिरहेको छ, ठूला बडाको पसल, उद्योग, व्यापार चलेकै छ, यसमा कुनै नियन्त्रण छैन ।