नेपाल सरकारले ईन्टरनेश्नल उडान थप गरी नेपालीलाई ल्याउने : मन्त्री भट्टराई

न्यूज ब्यूरो, काठमान्डौं । नेपाल सरकारले विदेशमा रहेका नेपालीहरुलाई ल्याउन अन्तराष्ट्रिय (ईन्टरनेश्नल) उडान थप गर्ने सहमति भएको छ ।

सँस्कृति, पयर्टन तथा नागरिक उडययन मन्त्री योगेश भट्टराईले उपप्रधान मन्त्री, पररास्ट्र मन्त्री, पर्यटन मन्त्री र श्रम मन्त्रीका बीचमा भएको छलफाल पश्चात प्रधानमन्त्री र उपप्रधान मन्त्री बीचको उच्चस्तरीय परामर्शबाट अन्तरास्ट्रिय उडानको सँख्या थप गर्ने समझदारी भएको जनाएका छन् ।

त्यसको लागि पिसिआर रिपोर्ट नेगेटिभ भएका यात्रु मात्र ल्याउने गरी नियमित उडान भएका मुलुकमा एयरलाईन्सले थप उडान माग गरेमा अनुमती प्रदान गरिने जनाइएको छ ।

कुनै कम्पनीले कम्पनीकै खर्चमा कामदारलाई नेपाल फर्काउन चाहेमा त्यसलाई प्राथमिकतामा राखेर उडान अनुमती प्रदान गरिने छ भने श्रम कल्याणकारी कोषबाट उद्धार गर्नु पर्नेका लागि श्रम मन्त्रालयले सम्बन्धित देशको नियोगसँग समन्वयमा उडानको ब्यबस्था गरिने जनाइएको छ ।

मन्त्री भट्टराईका अनुसार, नियमित उडान नभएका मुलुकमा पिसिआर नेगेटिभ भएका यात्रुका लागि मागका आधारमा उडान सँख्या थप गरिने छ ।

बिदेशी भूमिमा अप्ठ्यारो अवस्थामा रहेका नेपालीहरुप्रति वर्तमान सरकार संवेदनशिल भएको बताउँदै उनले स्वदेश फिर्तीका लागि सरकारले सक्दो प्रयास जारी राखेको बताएका छन् ।