अब बोर्डिङग स्कूलले अनलाईन कक्षाको पनि शुल्क लिन पाउने

न्यूज ब्यूरो, काठमान्डौं । लकडाउन र निषेधाज्ञाका कारण भौतिक रुपमा विद्यालय जान नपाएपनि अनलाईनक कक्षाको शुल्क लिन पाउने व्यवस्था गरिएको छ ।

बिहिबार (आज) सरकारले निजी विद्यालयहरूलाई अनलाइन कक्षाको शुल्क लिने बाटो खोलिदिएका हुन् । यसअघि अनलाईन कक्षाको लागि शुल्क नलिन भनेपनि वर्तमान परिवेशलाई मध्यनजर गर्दै नीजि विद्यालयहरुलाई अब सँचालन हुने अनलाईन कक्षाको पनि शुल्क लिने अनुमति दिएको हो ।

नेपाल सरकारका शिक्षा, विज्ञान तथा प्रविधि मन्त्री गिरीराजमणि पोखरेलले मन्त्रस्तरीय निर्णयबाट शुल्क लिन पाउने व्यवस्था गरेका हुन् ।

विद्यार्थी सिकाई सहजीकरण निर्देशिकामा निजी विद्यालयहरूले स्थानीय तहले स्वीकृत गरेको शुल्क लिन पाइने व्यवस्था गरेको हो । निर्देशिकामा भनिएको छ, ‘विद्यालयले लिन पाउने शुल्क प्रचलित कानुनको अधीनमा रही स्थानीय तहले स्वीकृत गरे बमोजिम हुनेछ ।’

यसअघि शिक्षा मन्त्रालयले अनलाइन वा अन्य माध्यमको कुनै पनि दूरशिक्षाको नाममा शुल्क लिन नपाउने निर्णय गरेको थियो । मन्त्रालयले जारी गरेको निर्देशिका अनुसार असार १ गतेदेखि विद्यालयहरूले अनलाइन कक्षा सञ्चालन गर्दै आएका छन् ।

सरकारले नोवेल कोरोना भाइरस (कोभिड–१९) का कारण कम्तिमा आगामी असोज १ गते भन्दा पहिला विद्यार्थी भर्ना र परीक्षा सञ्चालन गर्न नपाउने निर्णय गरेको छ ।

सरकारको यो व्यवस्था लागू सँगै जनकपुर सहित ग्रामिण भेकमा सँचालित देशैभरिको बोर्डिँग स्कूलले अनलाईन कक्षा वापत शुल्क लिन पाउनेछन् भने अनलाईन कक्षा नभएको खण्डमा शुल्क लिन पाउने छैनन् । ग्रामिण भेकमा ईन्टरनेट व्यवस्थापनमा कठिनाई हुने देखिएको छ ।