आफ्नै घरमा मृत भेटिइन् महिला

न्यूज ब्यूरो, सिरहा । सिरहामा एक महिला मृत अवस्थामा भेटिएका छिन् ।

मिर्चैया नगरपालिका ६ का प्रमोद पुर्बेकी श्रीमति अन्दाजी वर्ष ३५ की रिना देवी पुर्बे मृत भेटिएकी हुन् । उनी गएराति १० बजे आफ्नै घरमा मृत भेटिएको प्रहरीले जनाएको छ ।

आफ्नै भुईतले पक्की घरको कोठामा भित्रबाट चुकुल लगाई भुईमा मृत अबस्थामा लडिरहेको भन्ने खबर ईलाका प्रहरी कार्यालय मिर्चैयामा प्राप्त भएपछि प्रहरी त्यहाँ पुगेको थियो ।

घटनास्थल पुगेको प्रहरीले घटनाको मुचुल्का उठाएर शव पोष्टमार्टमको लागि पठाएको छ । घटना शंकास्पद देखिएकाले पोष्टमार्टम रिपोर्ट आएपछि मात्रै केहि भन्न मिल्ने प्रहरीले बताएको छ ।

घटना सम्बन्धमा थप अनुसन्धान भइरहेको प्रहरीले जनाएको छ ।