नेविसंघका युवा नेताद्धय द्वारा फुड बैंक सिरहलाई खाद्यान्न

न्यूज ब्यूरो, सिरहा । नेपाल विद्यार्थी सँघ (नेविसँघ) सिटिईभिटी प्रदेश नं. २ का अध्यक्ष एवम् नेविसँघकै युवा नेताद्धारा फूड बैँकलाई सहयोग गरिएको छ ।

सिरहाको गोलबजारमा गरिब, निमुखाहरुको लागि सँचालित फूड बैँकमा अध्यक्ष ईन्द्रजीत कुमार गोईत र नेविसँघकै युवा नेता शंकर प्रसाद यादवले सँयुक्त रुपमा फूड बैँकलाई खाद्यान्न सहयोग गरेको छ ।

सिरहा युनाइटेस द्धारा संचालित फुड बैँकमा उनीहरुले विभिन्न खाद्यान्न सामाग्री सहयोग गरेका छ्न । कोरोना भाइरस नियन्त्रणका लागि सिरहामा लकडाउनको घोषणा गरेपछि लकडाउनका कारण समस्यामा परेकाहरुका लागि सिरहामा फुड बैंक स्थापना गरिएको छ ।

सोहि फुड बैंकमा गोइत र यादब खाद्यान्न प्रदान गरेका छन् । गरिब र निमुखाको लागि अन्नको उपाय गरिएको स्वयमसेवकहरुलाई सराहना गर्दैै दुवै जनाले फूड बैँकलाई सहयोग गरेको हो ।

फूड बैंकमा आफूसँग हुने र अरुलाई सहयोग गर्न चाहनेले दिएर जान्छन भने आवश्यक भएकाहरुले लिएर जाने गर्दछन् । फूड बैँक स्थापना भएपछि विभिन्न दाताहरुले पनि सहयोग गर्दै आइरहेका अझै सहयोगको हात बढ्ने आशा रहेको युवा नेता गोइत बताएका छ्न ।

यस्तो महामारीको समयमा खाद्यान्न सहयोग गरेको हुनाले नेता गोइत र यादब लाई सिरहा युनाइटेसले धन्यवाद व्यक्त गरेका छ्न ।