चटयाँग (ठनका) लागेर धनुषामा एक जनाको मृत्यू

न्यूज ब्यूरो, जनकपुरधाम । धनुषामा चटयाँग (ठनका) लागेर एक जनाको घटनास्थलमै मृत्यू भएको छ ।

आज (आईतबार) दिउँसो करिब १ बजेको समयमा चटयाँग लागेर धनुषाधाम नगरपालिका वडा नं. ७ किसानपुर बस्ने अन्दाजी बर्ष ४० का मोहिता मुसहरको मृत्यू भएको प्रहरीले जनाएको छ ।

ईलाका प्रहरी कार्यालय धनुषाधामका प्रहरी नीरिक्षक विजय यादवका अनुसार, स्थानीय मुसरपट्टिबालाको खेतमा आउँस (धानको प्रजाती) काटिरहेको बेला आकाशबाट चटयाँग लागेर उनको मृत्यू भएको हो ।

उनको शवलाई पोष्टमार्टमको लागि प्रादेशिक अस्पताल जनकपुरमा ल्याइएको जनाइएको छ ।