हिन्दु उपरको दमन बन्द गर भन्दै हिन्दु परिषदद्धारा प्रदर्शन

न्यूज ब्यूरो, जनकपुरधाम । विभिन्न समयमा हिन्दु धर्म उपर दमन भएको भन्दै हिन्दु परिषद जनकपुर नगर समिति र ओमकार परिवारले सोको विरोध गर्दै आन्दोलनमा ऐक्यबद्धता जनाएको छ ।

जनकपुरमा आज (शनिबार) परिषदल र ओमकार परिवारले काठमान्डौंको ललितपुरमा भएको रातो मच्छिन्द्रनाथको रथ यात्रा र सो क्रममा भएको घटनाको विरोधमा ऐक्यबद्धता जनाउँदै प्रदर्शन गरेका छन् ।

यसका साथै, रौतहटको गरुडा वडा नं. ९ का निरन्जन राम, विजय राम, मिन्त्री देवी बैठाको हत्यारा उपर कारवाहीको माग गर्दै दलित आन्दोलनमा समेत ऐक्यबद्धता जनाएको हिन्दु परिषद जनकपुरका अध्यक्ष मिथिलेश झाले जानकारी दिए ।

“ओमकार परिवार एक होऔ, हिन्दू माथिको दमन बन्द गर, सनातन धर्म मास्न पाईदैन, निरंजन राम, बिजय राम,मिन्त्री देवी बैठाका हत्यारा लाई कारवाही गर, उपत्यका र गरुडा आन्दोलनमा हाम्रो एकबद्धता ,दोषी लाई कारवाही गर, शान्ति सुरक्षाको ग्यारेन्टी गर, धर्म निरपेक्षताको आड़मा गुंडागर्दी बन्द गर लगायतका नाराहरु लगाउँदै आन्दोलनमा ऐक्यबद्धता जनाएको हो ।

हाम्रो राष्ट्र हामीलाई प्राण भन्दा प्यारो छ, रातो मछिन्द्रनाथ रथ यात्रा हाम्रो संस्कृति र गौरब हो भन्दै उनीहरुले हिन्दु उपरको दमन बन्द गर्न माग गर्दै प्रदर्शन गरिएको हिन्दु परिषद जनकपुरका महासचिव जानकी रमण झाले बताए ।