बिपि कोइराला स्कुल अफ पब्लिक पोलिसि प्रदेश १ को संयोजकमा डा. साह

न्यूज ब्यूरो, विराटनगर । बिपी कोईराला स्कूल अफ पब्लिक पोलिसि प्रदेश नं. १ को सँयोजकमा डा. शिवशंकर साह चयन भएका छन् ।

शिक्षा क्षेत्रमा दिग्गज मानिएका भारतका प्रख्यात जैन युनिभर्सिटीका वरिष्ठ कार्यकारी अन्तर्राष्ट्रिय अफिसर समेत रहेका साहलाई प्रादेशिक सँयोजमा चयन गरिएको हो ।

मँगलबार केन्द्रिय अध्यक्ष प्रेमराज जोशी द्वारा आज जारी गरिएको अधिकारिक पत्रमा प्रदेश १ का साथसाथै अन्य ६ प्रदेशका संयोजक पनि तोकिएको छ ।

सोही क्रममा प्रदेश २ मा मो. फिरोज आलम, वाग्मती प्रदेशमा सुदिप बर्तौला, गण्डकी प्रदेशमा नारायण पाण्डे, प्रदेश ५ मा अर्जुन खनाल , कर्णाली प्रदेशमा ललित बस्नेत र सुदुरपश्चिम प्रदेशमा प्रीत बहादुर विष्ट चयन भएका हुन् ।

पत्रमा भनिएको छ,–“युवाहरुको क्षमता विकास, खुला समाज, मानव अधिकार र लोकतान्त्रिक मूल्य र मान्यता आदिलाई सामाजिक रुपमा अझ व्यापक बनाउन विभिन्न अभियानहरुले गतिशीलता पाउनेमा विश्वस्त छौँ।’