मन्दिरका पूजारी हत्या काण्डमा २ जना पक्राउ

न्यूज ब्यूरो, रौतहट । गत भदौ ३ गते रौतहटमा भएको पूजारी हत्या काण्डमा प्रहरीले २ जनालाई पक्राउ गरेको खबर बाहिर आएको छ ।

गत भदौ ३ गते राती करिब ९ः३० बजे पूजाआज सकेर खान खाईरहेको बेलामै कन्चटमा गोली हानी हत्या गरिएको आरोपमा रौतहट प्रहरीले २ जनालाई पक्राउ गरेको बताइएको छ ।

पक्राउ पर्नेमा देवाही गोनाही नगरपालिकाका रामनरेश पटेल र बालकुमार पटेल रहेको जनाइएको छ । यद्यपी, यसबारे जिल्ला प्रहरी कार्यालय रौतहटले कुनै प्रतिक्रिया दिएका छैनन् ।

भारतीय प्रहरीको सहयोगमा बिहारबाट उनीहरुलाई पक्राउ गरेर प्रहरीले रौतहट ल्याएको हो । हाल पक्राउ परेको दुवै जनाले अभियोग भने स्वीकारीनसकेको बताइएको छ ।

सोही प्रकरणमा देवाही गोदाही नगरपालिका–१ का वडाध्यक्ष शेख नरुल्लाह, राजेन्द्र पटेल, कहिल पटेल र रामप्रवेश पटेल फरार रहेको बताईएको छ ।

यसबारे पनि प्रहरीले मुख खोलेका छैनन् । यो समाचारको लागि अधिकारिक पुष्टि नभएपनि २ जनालाई पक्राउ गरिएको गोप्य श्रोतबाट खवर प्राप्त भएको छ ।