रौतहटमै पुनः एक दलित महिलाको हत्या !

न्यूज ब्यूरो, रौतहट । दलित हत्या काण्डको आगो सेलाउन नपाउँदै पुनः रौतहटमा एक महिलाको हत्या गरिएको खवर बाहिर आएको छ ।

आज (आईतबार) रौतहटको गढिमाई नगरपालिका वडा नं. ३ मा कुटपिट गरी सलले घाँटीमा बेरिएर उखु बारिमा मारेक‍ो अबस्थामा शव फेला परेको बताइएको छ ।

गढिमाई नगरपालिका वडा नं. ३ लक्ष्मीपुर बस्ने सकल बैठाको ४० वर्षिया श्रीमति मिन्त्री देवि बैठाको कुटपिट गरी सलले घाँटीमा बेरेर हत्या गरेको अवस्थामा भेटिएको हो ।

आजै बिहान करिब ११ बजे घाँस लिन घरबाट निस्केको मिन्त्रीलाई एकान्त स्थानमा रहेको उखु बारिमा उनले लगाएको पछ्यौरीले घाँटिमा बेरेर मारेको बताइएको छ ।

उनको शव एक स्थानीयले देखेपछि प्रहरीलाई खवर गरेको थियो । अहिले जिल्ला प्रहरी कार्यालय रौतहटबाट प्रहरीको टोली घटनास्थलतर्फ प्रस्थान गरेको जनाइएको छ ।