प्रहरी हिरासतमा मृतक विजय रामको परिवारलाई मधेश सरकारको ५ लाख

न्यूज ब्यूरो, जनकपुरधाम । प्रहरी हिरासतमै ज्यान गुमाएका रौतहटका विजय रामको परिवारलाई मधेश सरकारले ५ लाख रुपैयाँ दिने घोषणा गरेको छ ।

प्रदेश नं. २ का आन्तरिक मामिला तथा कानुनमन्त्री ज्ञानेन्द्र कुमार यादवको नीजी सचिवालयद्धारा जारी गरिएको प्रेस विज्ञप्तिमा शोक सन्तप्त परिवारप्रति सँवेदना प्रकट गर्दै राहत स्वरुप तत्कालै ५ लाख रुपैयाँ उपलब्ध गराउने घोषणा गरिएको हो ।

गत साउन ३२ गते गरुडा नगरपालिका–८ जिगडियाका १७ वर्षीय निरन्जन रामको घाँटी रेटी हत्या भएपछि प्रहरीले घटनामा संलग्न सात जनालाई पक्राउ गरेको थियो । सोही आरोपमा पक्राउ गरिएको विजय राम पनि पक्राउ गरिएको थियो । प्रदेश सरकारले उनको परिवारलाई राहत स्वरुप ५ लाख रुपैयाँ दिने घोषणा गरेको हो ।

गरुडा प्रहरीका डिएसपी ज्ञान कुमार महतो र केही पहरीले रामलाई अत्यधिक यातना दिएको आरोप छ । परिवारजनले प्रहरीले नै हिरासतमा यातना दिएर मारेको आरोप लगाइएको छ । उनको मृत्यूपछि दलित समुदाय आन्दोलित भएका हुन् । सोही प्रकरणमा डिएसपी महतोलाई प्रदेश प्रहरी तानिएको छ ।