धनुषामा ट्रिपर दुर्घटना, २ जनाको घटनास्थलमै मृत्यू

जनकपुरधाम, २१ माघ ।
धनुषामा ट्रिपर दुर्घटना हुँदा घटनास्थलमै दुई जनाको मृत्यू भएको छ ।

शनिबार राती करिब सवा ११ बजे जनकपुर ढल्केवर सडकखण्ड अन्तर्गत जनकपुर उपमहानगरपालिका वडा नं. १४ मुजेलिया स्थित ट्रिपर अनियन्त्रीत भई दुर्घटना भएको प्रहरीले जनाएको छ ।

ढल्केवरबाट ना ७ ख ३२२६ नम्बरको ट्रिपर गिटटी लोड गरी महोत्तरीको लागि हिँडेका मुजेलिया स्थित रमण कन्सटक्सनको अगाडी राजमार्गको पश्चिम छेउमा रहेको रुखमा च्यापिएर दुई जनाको मृत्यू भएको हो ।

मृत्यू हुनेमा लक्ष्मीनियाँ गाउँपालिकाका बर्र्ष २५ का चालक उदय कुमार ठाकुर र सहचालक मिथिला नगरपालिका वडा नं. २ नक्टाझिझ बस्ने सँजय पासवानको ज्यान गएको जनाइएको छ ।

मृतकको शवलाई पोष्टमार्टमको लागि जनकपुर अञ्चल अस्पतालमा राखिएको छ भने आजै पोष्टमार्टम गरी शव परिवारजनलाई जिम्मा लगाइने जिप्रका धनुषाले जनाएको छ ।