आजबाट कलैया अस्पतालको सबै सेवा सुचारु

न्यूज ब्यूरो, बारा । बाराको एक मात्र जिल्ला अस्पताल कलैया अस्पतालको ओपिडी सहित सम्पुर्ण सेवा आज बाट सुचारु हुने भएको छ ।

यस अघि भाद्र २ गते नै एआरटी सेवा, ल्याव, एक्सरे, डेसिग,फार्मेसी लगायतका सेवाहरु सुचारु भएको थियो । कलैया अस्पतालका धेरै कर्मचारीहरुमा संक्रमण भएपछि अस्पतालका प्रसुती सेवा वाहेक अन्य सेवाहरु ठप्प रहेको थियो ।

कोरोनाको महामारी तिब्र रुपमा फैलिरहेको हुदा बाराका जनताहरु कलैया अस्पतालको साधारण सेवाबाट पनि बञ्चित रहेका थिए । त्यसलाई मध्यनजर गर्दै आजबाट ओपिडि सहितको सम्पूर्ण सुवा सूचारु हुने कलैया अस्पताल का चिकित्सक डा. रबि रोशन गुप्ताले जानकारी दिएका छन् ।

यसका साथै अस्पतालमा बिग्देको एक्स्रे मेसिन पनि अहिले संचालन मा आएको र केही दिन मै डिजिटल एक्स्रे मेसिन पनि संचालन हुने डा. गुप्ता ले जनाएका छन् ।