दलितको लाशमाथी राजनीति बन्द गरी डिएसपीलाई पक्राउ गरियोस : पासवान

न्यूज ब्यूरो, रौतहट । पूर्व साँसद राम पृत पासवानले प्रमुख जिल्ला अधिकारिको कार्यकक्षमा बसेको सर्वदलीय बैठकले निरन्जन–बिजय हत्याकाण्ड संघर्ष समितिका पदाधिकारीहरुको मन्जुरी बेगर नै गरिएको निर्णय आपतिजनक रहेको बताएका छन।

प्रभावशाली एव बिलक्षन प्रतिभाका धनी दलित अगुवा समेत रहेका पासवानले दलित युवकको हत्या हुँदा पीडितहरुलाई थाहै नदिई बसेको शुुुक्रबार बसेको बैठक र निर्णयको कुनै अचित्य रहरेको र आफुहरुलाई मान्य र कुनै हालतमा स्वीकार्य नहुने बताएका छन् ।

प्रहरीले चरम यातना दिएर बिजय रामको हत्या गरेको घटनाप्रती खेद प्रकट नगर्नु दुर्भाग्यपूर्ण रहेको बताउदै पासवानले पीडितलाई न्याय दिलाउने कुरामा जोडदिनुको सट्टा गरुडा नगरपालिकालाई आर्थिक सहयोगको लागि अनुरोध गर्ने निर्णय हास्यास्पद मात्र नभएर हत्या गरिएको अवस्थामा समेत दलितको गरिबीको मजाक उडाइएको महसुस भएको बताए ।

पासवानले दलहरूले देखाएको चासोलाई गोहीको आंशुसँग तुलना गर्न सकिने बताए ।

उनले भने, – “वास्तवमा दलका नेताहरु न्यायको पक्षमा हो भने आन्दोलनमा देखिनु पर्ने हो, राजनीतिक दलका नेताहरू सान्चै निरन्जन र बिजय रामलाई न्याय दिलाउन चाहन्छन भन्ने डिएसपी ज्ञान कुमार महतोलाई हिरासतमा लिएर ज्यान मार्ने कसुरको मुद्दा चलाउन दवाव सृजना गरी निरन्जन राम र बिजय रामलाई सहिद घोषणा गराउन आन्दोलनको विकल्प छैन ।”

उनले भने,–“मृतकका परिवारलाई भरणपोषणबापत जनही २०/२० लाख क्षतिपूर्तिको माग पूरा गराउन लागि परौ। रौतहट जिल्लाका एसपी र सिडिओ लगायतलाई दबाब दिई हत्यामा संलग्न प्रहरीहरुलाई निलम्बन गरि छानबिनको दायरामा ल्याउन दवाव दिऔ।”

दलित युवाको ज्यानलाई पैसामा तौल्ने कुप्रयास नगरौ।यो घटना रौतहटको भएपनि राष्ट्रिय आन्दोलनको रूपमा हामी अगाडि बढाउछौ। त्यसबाट पनि न्याय पाउन नसके यस मुद्दालाई अन्तर्राष्ट्रियकरण गरेर नेपाल सरकारलाई अन्तर्राष्ट्रिय अदालतमा उभ्याउन बाध्य हुने बताए ।