नदीमा डुबेर बेपत्ता भएकी ३ बालिकाको परिवारलाई मधेश सरकारले १-१ लाख दिने

न्यूज ब्यूरो, जनकपुरधाम । गत आईतबार रौतहटमा नदी डुबेर एक साथ तीन बालिकाको मृत्यू भएपछि प्रदेश २ सरकारले राहत स्वरुप १-१ लाख दिने निर्णय गरेको छ ।

आज (बुधबार) प्रदेश २ का मुख्यमन्त्री तथा मन्त्रीपरिषदको कार्यालयद्धारा जारी गरिएको विज्ञप्तिमा डुबेर ज्यान गएकी तीनटै बालबालिकाको परिवारलाई १/१ लाख रुपैयाँ दिने भएको छ ।

रौतहटको गढिमाइ धर्मपुर वडा नं. ७ स्थिति बागमति नदिमा गत आईतबार बिहान धरमपुर टोल बस्ने भदै मुखियाको छोरी वर्ष १० की पिंकु कुमारि मुखिया, लक्षमण दासकी १२ बर्षिय छोरी सुसिता कुमारि दास र छट्टु मुखियाकी अन्दाजी १० बर्षिय छोरी चन्चल कुमारि मुखियाको बाग्मति खोलामा बेपता भएको थियो ।

नुहाउन गएको बेलामा तिनै जना खोलामा बेपत्ता भएको थियो । स्थानीय र प्रहरीको सहयोगमा बेपत्ता बालबालिकाहरुको खोजी कार्य तीव्र पारिएको थियो ।

सोही दिन रौतहट जिल्लाको गरुडा नगरपालिका वडा नं. ६ पोठियाहीमा स्थानीय शेख मेराजका १२ बर्षीय छोरा हशमुदिनको पनि शव प्रहरीले बरामद गरेको थियो । एकै दिन ४ जनाको मृत्यू भएको थियो ।