अब सकडका ठेकेदारलाई नै तह लगाउँछौं : अध्यक्ष यादव

न्यूज ब्यूरो, जनकपुरधाम । धनुषाको एक सडकको अवस्था दयनीय भएपछि स्थानीय एक क्लबका अध्यक्षले ठेकेदारलाई नै तह लगाउने चेतावनी दिएका छन् ।

धनुषाको धनुषाधाम देखि महेन्द्रनगर जाने परीक्रमा सडकखण्ड अन्तर्गत मुर्सनिया स्थित ठेकदारको चरम लापरवाहीले गर्दा स्थानिय लाई सास्ती भएको भन्दै अब ठेकेदारलाई नै तह लगाउने चेतावनी दिएका छन् ।

स्थानीय बरगँज युवा क्लबका अध्यक्ष राम पुकार यादवले धार्मिक एवं ऐतिहासिक स्थल धन्षाधाम मुख्य बजारदेखि करीब ४ किलोमिटरको रहेको मुर्सनिया, नौसयविघा स्थित खोलामा करीब ६ वर्ष देखि पुलको निर्माण भईरहेको हुँदा पनि अहिले सम्म निर्माणको काम गर्न नसकेको भन्दै अब ठेकेदारलाई लखेटनुको विकल्प नरहेको बताएका छ्न ।

जहिले पनि आम नागरिकलाई सास्ती हुँदै आएको भन्दै ठेकेदारले चरम लापरवाही गरेको भन्दै अब यथाशिघ्र पुल निर्माण कार्य सँचालन नगरिए ठेकेदारलाई तह लगाउने चेतावनी दिएका छन् ।