१४ गतेसम्म निषेधाज्ञा थप , बैँकहरु विहान ७ बजदेखि मात्र खुल्ने

न्यूज ब्यूरो, रौतहट । कोरोना भाइरसको सँक्रमण अहिले तेस्रो चरणमा पुगेको भन्दै स्थानीय प्रशासनले रौतहटमा निषेधाज्ञालाई लम्ब्याएको छ ।

जिल्ला प्रशासन कार्यालय रौतहटले शनिबार एक सूचना जारी गर्दै रौतहटमा लगाइएको निषेधाज्ञा आगामी भदौ १४ गतेसम्मको लागि थप गरेको हो । सो अवधीमा अत्यावश्यक समान बाहेक केही पनि सुचारु नहुने जनाइएको छ ।

पसलेले अनिवार्य रुपमा मास्क, सेनिटाईजर, पँजा लगाएर मात्र समानहरु विक्री गर्न भनिएको छ । सोही क्रममा बैँक तथा बित्तिय सँस्थाहरु भने विहान ७ बजेदेखि मात्र खोल्न निर्देशन दिएको छ ।

रौतहटका प्रमुख जिल्ला अधिकारी ईन्द्रदेव यादवले बैँकहरु विहान ७ बजेदेखि ११ बजेसम्म गरी ४ घण्टा मात्र खोल्न निर्देशन दिएका हुन् ।

सो क्रममा पनि समाजिक दुरी र सुरक्षा समाग्री अपनाएर मात्र बैँकहरु खोल्न निर्देशन दिँदै त्यस्तो नपाइएमा कानुन बमोजिम कारवाही गरिने बताएका छन् ।