मिर्चैयाका मृतकमा दाहसंस्कारपछि कोरोना पुष्टि, गाउँमा संत्रास

न्यूज ब्यूरो, सिरहा । सिरहाको मिर्चैयामा बुधबार मृत्यु भएका एकजना पुरुषमा कोरोना भाइरस संक्रमण पुष्टि भएको छ ।

मिर्चैया नगरपालिका–४ का ६८ वर्षीय मृतकको पीसीआर रिपोर्ट शुक्रबार पोजेटिभ आएको हो । बुधबार उनी गाउँमा घुम्दाघुम्दै एक्कासी ढेलका थिए ।

पछिल्लो समय उनी रुघाखोकी र ज्वरोबाट सिकिस्त थिए । कोरोना जस्तो लक्षण देखिएपछि मंगलबार ती पुरुषको थ्रोट स्वाब लिइएको थियो ।

बुधबार नै मृत्यु भएका उनको रिपोर्ट आउनुपूर्व आज शुक्रबार दिनमा गाउँहरुले विधिपूर्वक दाहसंस्कार गरेका छन् । तर, दाहसंस्कारपछि बेलुकी मृतकको रिपोर्ट पोजेटिभ देखिएपछि सिंगो गाउँमै संत्रास छाएको छ ।

कोरोना संक्रमणबाट ज्यान गएका ती पुरुषको मालामी गाउँका झण्डै ५०–६० जना व्यक्ति गएका थिए ।