प्रदेश २ः सरकारबाट उपेक्षित अति विपन्नलाई 'भोर' ले ल्याए मुस्कान

न्यूज ब्यूरो, जनकपुरधाम । लकडाउनको अवधीमा काम गर्न नपाएर गरिबको रेखाबाट अति विपन्नको रेखामुनी गएका वर्गलाई समाजिक सँस्था भोरले राहत प्रदान गरेको छ ।

चरम गरिबी र अभावमा बांच्दै आएका मुसहर लगायतका दलित मुस्लिम समुदाय पांच महिना देखिको लकडाउनले जीवन थप कष्टकर भए पनि कदैबाट कुनै राहत नपाएपछि भोरले पहल थालेपछि उनीहरु राहत पाएका हुन ।

अभाव र सरकारबाट उपेक्षाका बिच भोरले प्रदेश नं. २ को महोत्तरीका १ सय ३५ जना, सर्लाहीका ८६ जना र रौतहटका ३३ गरी कुल २ सय ५४ अति विपन्न परिवारलाई एकिकृत राहत प्याकेज प्रदान गरेको छ ।

मुसहर, (राम) चमार, दुसाध र मुस्लिम समुदायका २ सय ५४ अति विपन्न परिवारलाई भोरले उक्त राहत प्याकेज प्रदान गरेका हुन ।

डुआने बेरिएन क्लिफोर्ड जोन्स तथा ईन्दिरा आलेको आर्थिक सहयोगमा भोरले उक्त एकीकृत राहत प्याकेज भोरले प्रदान गरेको हो । भोरको अध्यक्ष पचुलाल माझी, कोषाध्यक्ष उमेश कुमार साह र सदस्य राजेश रामको संयोजन तथा व्यवस्थापनमा महोत्तरी जिल्लाको भंगहा गांउपालिका, जलेश्वर नगरपालिका, सर्लाही जिल्लाको धनकौल गांउपालिका, चन्द्रनगर गांउपालिका र रौतहट जिल्लाको परोहा नगरपालिकामा सो प्याकेज वितरण गरिएको हो ।

प्रति परिवार २५ किलो चामल, ५ किलो हरियो तरकारी, १ किलो दाल, १ लिटर खाने तेल, १ किलो आयोडिन नुन र ४ पिस साबुन उक्त एकिकृत राहत प्याकेजमा समावेश गरिएको थियो ।

सर्लाही धनकौल निवासी मगनी माझीको अनुसार सबै जना भारतमै रोकिएको छ, आए पनि महिनो दिन कोरेन्टाईन मै बस्नु परेको र असार महिनामा काम पाए पनि लकडाउनको कारण दिनभरी खेतमा काम गर्दा ३ किलो चामल मात्र दिने भएकोले भोकै बस्न बाध्य भएको थियो ।

महोतरी भगहाको रामचन्द्र सादा राहत मागन जादा पालिकामा विवाद भएर कुटाई खानु परेको थियो, त्यही भएर आशा नै मरी सकेको थियो कि हाम्रो गाउँले राहत पाउछन तर भोरले सबै ९६ घरमै दियो ।

भोकै बसेका परिवारले राहत पाएको देख्दा सहयोगी हातलाई सन्तुष्टि हुन्छ भने घर र खेतबारीमा लगाएको सामग्री विक्री हुदाँ कृषक पनि खुशी हुन्छ र पहल गरी वितरण गर्दा भोकै बसेका परिवारले दुई छाक खानपाएको हेर्दा समाजिक अभियन्ता पनि सन्तुष्टि हुने गरेको भोरको अध्यक्ष पचुलाल माझि मुसहरले बताए ।